Jesu unolebeleka ngekwe kukolomogwa kwe Ng'umba ye Ndzimu
(Matewu 24:1-2Luke 21:5-6)1 Jesu kati ebhuda mu Ng'umba ye Ndzimu, mmwe we badiyiwa babe kan'dwa kati, “Bonani N'diyi, mabgwe anotjenamisa ne mbako dzinotjenamisa seni idzedzi!”
2 Jesu kan'dwa kati, “Unobona mbako idzedzi ne bukulu gwadzo kene? Akuna ne bgwe ling'ompela linowosala lakatiliyana ne limwe, lisingawoligigwa pasi.”
Manikano ne kudziyidziwa
(Matewu 24:3-14Luke 21:7-19)3 Kati agala mu Dombo le Mitoba, kulingisana ne Ng'umba ye Ndzimu, kukazha Pita na Jakubo na Johani na Enduru bakambhuzwa pasipo bathu beti, 4 “Utibudze kuti ikoku kowoshingikala lini, tjilakidzo tjowobe tjipi kulakidza ha zwithu izwezo zose zwabe pejo ngoshingikala?”
5 Ngono Jesu katangisa kubadwa eti, “Ibeni ne njele kuti kusibe ne mmwe ungamudzimidza. 6 Banji banowozha bezwidana nge zina langu beti, ‘Ndimi iye,’ ngono banowolasha bathu banjinji. 7 Koga muti ha muhwa kulebgwa ngekwe ngwa, musitongo lobgwa nge hana, ngobe kwakafanila kuti kushingikale, koga bupelo gowobe gusathu gukaswika. 8 Ludzi gowomukila gumwe ludzi ne bushe gowomukila gumwe bushe. Kowobe ne kutengenyeka kwe shango mu mituthu yakasiyana, kukabe ne bhamba. Ngono ikoku kowobe kunga kutangisa kwe zwibhayo zwe thumbgwa.
9 “Koga imwi muzwitjengete, ngobe banowomuyisa ku mabazhe, mowolobgwa mu ng'umba dze mitembezelo, mukasumikilisiwa ndi boshe na bomambo nge kwangu kupa butendeki mbeli kwabo. 10 Ndebo mbuya yakafanila kuti iswike ku njudzi dzose kutanga. 11 Muti ha bemusunga bemuzhisa ku lubazhe, bemutilika nlandu, musitongo dziyidzika ngoalakana kuti mowolebeleka muyitini. Koga mulebe itjo tjamunowobe mubudziwa nge tjibaka itjetjo, ngobe akutowobe kulebeleka imwi, koga kowobe kulebeleka Meya yakayengemala. 12 Hwola inowowongela nnung'una ku lufu, tate be nthu banowon'wongela mu lufu, bana banowomukila bazwadzi babo bakabawongela mu lufu. 13 Mowobengiwa nge bathu bose ngekwe zina langu. Koga iye unowodzikitadza kunoti ku bupelo, unowotjidziwa.
Mbipo inotjenamisa
(Matewu 24:15-28Luke 21:20-24)14 “Muti mubona mbipo inotjenamisa ili payisakafanila kubepo (unobala ngaahwisise), ipapo bose bamu Judiya batizhile ku matombo. 15 Iye upezhugwi kwe ng'umba asideluke kangina mu ng'umba iye kutola tjimwe; 16 naiye uku minda, asibgwilile kanyi kunotola ngubo. 17 Yee mme wee! Kowobangalala seni kumuli imwi bakadzi bakazwisenga ne banomwisa mu misi iyeyo! 18 Tembezelani kuti ikoku kusishingikale mu nsi we mbaba. 19 Ngoti mu misi iyeyo kowobepo kudziyidzika kukulu kusakatongo bepo kudwila mu kubumbiwa kwe shango nge Ndzimu kuswikila ngwenu, akutowopapha kukabe yapo kakale. 20 Ngono ha She akabe asatapudza mazhuba iyawo, akuna nthu wabe angatjidziwa. Koga ngekwe bashalugwa babe baakashalula wakathama kuti mazhuba iyawo abe mashomanana.
21 “Mu tjibaka itjetjo ha mmwe angamudwa kati, ‘Bonani woyu Mesiya kene hwouje,’ musitongo duma. 22 Kowozha Bomesiya be manyepkhwa ne balebesambeli be manyepkhwa be lakidza zwilakidzilo bethama matjenamiso kulasha bathu, bukulu kwazo ibabo bakashalugwa, ha kwabe kutubuka. 23 Koga mube ne njele, ngoti ndamubudza tjimwe ne tjimwe kutjikale.”
Kuzha kwe Nkololo we Nthu
(Matewu 24:29-31Luke 21:25-28)24 “Kowoti mu mazhuba iyawo, shule kwe dzimanikano, zhuba lowoti zwititi, ne mwedzi awutowopa tjedza tjawo, 25 ne nyenyedzi dzowowila pasi ne masimba a pezhugwi anotengenyeka. 26 Ngono ipapo banowobona Nkololo we Nthu ezha ali mu makole ana masimba makulu ne tjedza. 27 Ipapo unowotumila batumwa be kudzimu ku mbizho nna dze shango, kukubunganya bashalugwa kudwa mu phelelo dze shango kunoti ku phelelo dze zhuzhugwi.
Muzwidiye nge mpaya
(Matewu 24:32-35Luke 21:29-33)28 “Muzwidiye nge mpaya, ha utangisa uthinila, muzibe kuti tjilimo tjabe pejo. 29 Ndizo namwibo muti ha mubona zwithu izwezwi zwishingikala, muzibe kuti wabe pejo pejo, upa nkoba. 30 Ndolebesa ndoti kumuli, tjizekugwana itjetji atjingapinde zwithu izwezwi zose zwisathu zwikashingikala. 31 Zhuzhugwi na pasi zowopela, koga matama angu anowosala.
Akuna unoziba ngekwe zhuba kene tjibaka
(Matewu 24:36-44)32 “Koga zhuba ilelo kene tjibaka itjetjo, akuna unotjiziba, batumwa be kudzimu kene iye Nkololo, abasi Tate boga. 33 Ibeni nge njele, mulinde, mutembezele, ngobe amutoziba kuti tjibaka tjowoswika lini. 34 Konga nthu ha etola gwendo, unoti ha ebhuda kapa balanda babe mishingo, mmwe ne mmwe kalingisana ne uwe. Kadwa ntjengeti we nkoba kati, ugale wakalinda. 35 Namwibo mugale makalinda, ngobe amutoziba kuti batetshi be nzi banowoswika lini. Pamwe banowoswika madekwana, kene pakati kwe busiku, kene hwuku dzilila kene mangwanana. 36 Lindani, ndizo basiti bezha makafala, bakamuwana makayizela. 37 Tjandinomubudza, ndobudza bose, ‘Lindani.’ ”
Jesus Speaks of the Destruction of the Temple
(Matthew 24.1Matthew 2Luke 21.5Luke 6)1 As Jesus was leaving the Temple, one of his disciples said, “Look, Teacher! What wonderful stones and buildings!”
2 Jesus answered, “You see these great buildings? Not a single stone here will be left in its place; every one of them will be thrown down.”
Troubles and Persecutions
(Matthew 24.3-14Luke 21.7-19)3 Jesus was sitting on the Mount of Olives, across from the Temple, when Peter, James, John, and Andrew came to him in private. 4 “Tell us when this will be,” they said, “and tell us what will happen to show that the time has come for all these things to take place.”
5 Jesus said to them, “Watch out, and don't let anyone fool you. 6 Many men, claiming to speak for me, will come and say, ‘I am he!’ and they will fool many people. 7 And don't be troubled when you hear the noise of battles close by and news of battles far away. Such things must happen, but they do not mean that the end has come. 8 Countries will fight each other; kingdoms will attack one another. There will be earthquakes everywhere, and there will be famines. These things are like the first pains of childbirth.
9 “You yourselves must watch out. You will be arrested and taken to court. You will be beaten in the synagogues; you will stand before rulers and kings for my sake to tell them the Good News. 10 But before the end comes, the gospel must be preached to all peoples. 11 And when you are arrested and taken to court, do not worry ahead of time about what you are going to say; when the time comes, say whatever is then given to you. For the words you speak will not be yours; they will come from the Holy Spirit. 12 Men will hand over their own brothers to be put to death, and fathers will do the same to their children. Children will turn against their parents and have them put to death. 13 Everyone will hate you because of me. But whoever holds out to the end will be saved.
The Awful Horror
(Matthew 24.15-28Luke 21.20-24)14 “You will see ‘The Awful Horror’ standing in the place where he should not be.” (Note to the reader: understand what this means!) “Then those who are in Judea must run away to the hills. 15 Someone who is on the roof of a house must not lose time by going down into the house to get anything to take along. 16 Someone who is in the field must not go back to the house for a cloak. 17 How terrible it will be in those days for women who are pregnant and for mothers with little babies! 18 Pray to God that these things will not happen in the winter! 19 For the trouble of those days will be far worse than any the world has ever known from the very beginning when God created the world until the present time. Nor will there ever be anything like it again. 20 But the Lord has reduced the number of those days; if he had not, nobody would survive. For the sake of his chosen people, however, he has reduced those days.
21 “Then, if anyone says to you, ‘Look, here is the Messiah!’ or, ‘Look, there he is!’—do not believe it. 22 For false Messiahs and false prophets will appear. They will perform miracles and wonders in order to deceive even God's chosen people, if possible. 23 Be on your guard! I have told you everything ahead of time.
The Coming of the Son of Man
(Matthew 24.29-31Luke 21.25-28)24 “In the days after that time of trouble the sun will grow dark, the moon will no longer shine, 25 the stars will fall from heaven, and the powers in space will be driven from their courses. 26 Then the Son of Man will appear, coming in the clouds with great power and glory. 27 He will send the angels out to the four corners of the earth to gather God's chosen people from one end of the world to the other.
The Lesson of the Fig Tree
(Matthew 24.32-35Luke 21.29-33)28 “Let the fig tree teach you a lesson. When its branches become green and tender and it starts putting out leaves, you know that summer is near. 29 In the same way, when you see these things happening, you will know that the time is near, ready to begin. 30 Remember that all these things will happen before the people now living have all died. 31 Heaven and earth will pass away, but my words will never pass away.
No One Knows the Day or Hour
(Matthew 24.36-44)32 “No one knows, however, when that day or hour will come—neither the angels in heaven, nor the Son; only the Father knows. 33 Be on watch, be alert, for you do not know when the time will come. 34 It will be like a man who goes away from home on a trip and leaves his servants in charge, after giving to each one his own work to do and after telling the doorkeeper to keep watch. 35 Watch, then, because you do not know when the master of the house is coming—it might be in the evening or at midnight or before dawn or at sunrise. 36 If he comes suddenly, he must not find you asleep. 37 What I say to you, then, I say to all: Watch!”