Mishingo ya Dafite ali mu Jerusalema
(2 Samuele 5:11-16)1 Mambo Hiramu we Tire katumila batumwa bakasenga mapango e miti ye sida ne babezhi be mabgwe ne babezhi kuna Dafite kuti babakile Dafite ng'umba ye bushe. 2 Dafite kabona kuti Yahwe bambiga mambo we Iziraela kakale bushe gugwe gukudziwa kwazo ngekwe bathu babe Baiziraela. 3 Ngono Dafite kalobola bakadzi banjinji mu Jerusalema ngono kabe ne bakololo ne bakololokadzi banjinji. 4 Awa mazina e bana baakabe nabo ku Jerusalema: Shamuya na Shobabu na Nathani na Solomoni 5 na Ibihari na Elishuwa na Elipheleti 6 na Nogha na Nefegi na Jafiya 7 na Elishama na Bheliyada na Elifeleti.
Kundiwa kwe Bafilisitiya
(2 Samuele 5:17-25)8 Kwakati Bafilisitiya behwa kuti Dafite wa zhodziwa kube mambo we Iziraela, Bafilisitiya bose bakabhuda itethela kunoshaka Dafite ngono Dafite kati ehwa nge kwako kabhuda kanobanginilila. 9 Bafilisitiya bakabe bazha pa nkuku we Refaimu ngono bakatapa kose. 10 Ngono Dafite kashakisisa ku Ndzimu eti, “Ndiyende kunonginilila Bafilisitiya kene? Apa mowothama kuti ndibakunde kene?” Ngono Yahwe bakan'dabila beti, “Yenda! Ndowobalonga mu maboko awo.” 11 Ngono katathila ku Bhaaleparazimu ngono Dafite kabakunda ikoko, ngono Dafite kabe eti, “Ndzimu wandishingisa kuti ndipaladze zwita zwangu se nkubila unothwa nge shango.” Ndizo zina la ipapo likadang'wa kuyi Bhaaleparazimu. 12 Bafilisitiya bakasiya midzimu yabo ipapo ngono Dafite kalaula kuti ipisiwe.
13 Ngono Bafilisitiya bakanginilila nkuku kakale. 14 Ngono kukati Dafite ebhuzwa Ndzimu ngono Ndzimu ukadabila uti, “Usitongobashangamidza ubapoteleke shule ngono ubanginilile udwa ku lubizho gwe miti ye malibheri. 15 Ngono uti uhwa nsindo we makumbo mu theswi dze malibheri, ipapo ube utangisa gwa, ngobe Ndzimu wayendila mbeli kuko kubulaya babhayani be Bafilisitiya.” 16 Ngono Dafite wakathama sekwa akadwiwa nge Ndzimu ngono bakabulaya ngwa ye Bafilisitiya kudwa ku Gibiyoni kunoti ku Gezeri. 17 Ngono tjilumbi tja Dafite tjikaandama nge shango dzose kakale Yahwe bakathama kuti atjiwe nge zwitjaba zose.
David's Palace in Jerusalem
(2 Samuel 5.11-16)1 King Hiram of Tyre sent some officials to David. They brought along carpenters and stone workers, and enough cedar logs to build David a palace. 2 David now knew that the Lord had made him a powerful king of Israel for the good of his people.
3 After David moved to Jerusalem, he married more women and had more sons and daughters. 4-7 His children born there were Shammua, Shobab, Nathan, Solomon, Ibhar, Elishua, Elpelet, Nogah, Nepheg, Japhia, Elishama, Beeliada, and Eliphelet.
David Defeats the Philistines
(2 Samuel 5.17-25)8 When the Philistines heard that David had become king of Israel, they came to capture him. But David heard about their plan and marched out to meet them in battle. 9 The Philistines had already camped in Rephaim Valley and were raiding the nearby villages.
10 David asked God, “Should I attack the Philistines? Will you help me win?”
The Lord told David, “Yes, attack them! I will give you victory.”
11 David and his army marched to Baal-Perazim, where they attacked and defeated the Philistines. He said, “I defeated my enemies because God broke through them like a mighty flood.” So he named the place “The Lord Broke Through.” 12 Then David ordered his troops to burn the idols that the Philistines had left behind.
13 Some time later, the Philistines came back into the hill country and camped in Rephaim Valley. 14 David asked God what he should do, and God answered, “Don't attack them from the front. Circle around behind them where the balsam trees are. 15 Wait there until you hear the treetops making the sound of marching troops. That sound will mean I have marched out ahead of you to fight the Philistine army. So you must then attack quickly!”
16 David obeyed God and he defeated the Philistines. He even chased them all the way from Gibeon to the entrance to Gezer.
17 From then on, David became even more famous, and the Lord made all the nations afraid of him.