Buzhalo gwe luzibo ne hanya zwe Ndzimu
1 Imwi Yahwe, makandishakisisa mukabuya mukandiziba.
2 Moziba ha ndigala pasi ne ndimilika,
moziba njalakang'wa dzangu kutji kule kule.
3 Moshakisisa zila yandinotobela ne pandinolala,
kakale moziba zila dzangu dzose.
4 Ne dama lisathu likabe mu nlomo wangu,
imwi Yahwe, moliziba nge buzhalo.
5 Makandipoteleka mbizho dzose,
kakale mobiga luboko gwenyu pezhugwi kwangu.
6 Luzibo gwenyu gonditjenamisa kwazo,
gupezhugwi kwazo kupinda hwisiso yangu.
7 Apa ndingayenda ngayi kutizha Meya yenyu kene?
Kene ndingayi kwandingatizhila buso gwenyu?
8 Ha nditathila pezhugwi, muyapo ikoko,
ha ndithama bulalo gwangu mu gomba le lufu muyapo ikoko.
9 Ha ndibinduka mangwanana
ndinogala ku phelelo tjose dze gungwa,
10 na ikokobo luboko gwenyu gowonditungamila,
kakale luboko gwenyu gwe luji gowondibhata.
11 Ha nditi, “Tjoselele zhalima lowondifukidza,
ne tjedza tjakandipoteleka tjikabe busiku,”
12 na ilo zhalima alitelili zhalima kumuli,
busiku gopenya se masikati,
ngobe zhalima longa tjedza kumuli.
13 Ngobe ndimwi makabumba zwimukati kwangu,
makandiluka mundibhatshanya ndili mu tjibumbilo tja mme yangu.
14 Ndomukudza ngobe ndakabumbgwa nge zila inotjisa kakale inotjenamisa.
Mishingo yenyu inotjenamisa,
woko ndokuziba zubuyanana.
15 Mbumbiko yangu yakabe isakamusumbikalila,
pandakabe ndibumbiwa pakasumbikala,
ndilukiwa mu ntumbu we shangu.
16 Mesho enyu akabona lopa langu lisathu likabumbiwa.
Mu lukwalo gwenyu kwakabe kwakakwagwa,
mazhuba wose andakabigigwa,
ngono kusina lawo lathu likabepo.
17 Njalakang'wa dzenyu dzakalulwama seni, imwi Ndzimu!
Bunji gwadzo gungapani kene!
18 Ndogwisa kudzibala, dzinji kupinda nsetje,
ndozha ku bupelo, nditjinamwi.
19 Ha mabe mungabulaya babi, imwi Ndzimu,
ibo bana nyota ye tebula malopa badwe pandili,
20 ibabo banomugongobola,
kakale bezwikudza beleba bubi nge kwenyu!
21 Apa anditobenga ibabo banomubenga kene imwi Yahwe?
Apa anditoshima ibabo banomumukila kene?
22 Ndobabenga nge lubengo gupatjena,
ndobatola bali zwita zwangu.
23 Mundishakisise, imwi Ndzimu, mubuye muzibe moyo wangu,
mundilike mubuye muzibe njalakang'wa dzangu.
24 Mubone kene kuna imwe zila mbiimbi imu ndili,
ngono munditungamile mu zila nge kusingapele kose.
(A psalm by David for the music leader.)
The Lord Is Always Near
1 You have looked deep
into my heart, Lord,
and you know all about me.
2 You know when I am resting
or when I am working,
and from heaven
you discover my thoughts.
3 You notice everything I do
and everywhere I go.
4 Before I even speak a word,
you know what I will say,
5 and with your powerful arm
you protect me
from every side.
6 I can't understand all of this!
Such wonderful knowledge
is far above me.
7 Where could I go to escape
from your Spirit
or from your sight?
8 If I were to climb up
to the highest heavens,
you would be there.
If I were to dig down
to the world of the dead
you would also be there.
9 Suppose I had wings
like the dawning day
and flew across the ocean.
10 Even then your powerful arm
would guide and protect me.
11 Or suppose I said, “I'll hide
in the dark until night comes
to cover me over.”
12 But you see in the dark
because daylight and dark
are all the same to you.
13 You are the one
who put me together
inside my mother's body,
14 and I praise you because of
the wonderful way
you created me.
Everything you do is marvelous!
Of this I have no doubt.
15 Nothing about me
is hidden from you!
I was secretly woven together
out of human sight,
16 but with your own eyes you saw
my body being formed.
Even before I was born,
you had written in your book
everything about me.
17 Your thoughts are far beyond
my understanding,
much more than I
could ever imagine.
18 I try to count your thoughts,
but they outnumber the grains
of sand on the beach.
And when I awake,
I will find you nearby.
19 How I wish that you would kill
all cruel and heartless people
and protect me from them!
20 They are always rebelling
and speaking evil of you.
21 You know I hate anyone
who hates you, Lord,
and refuses to obey.
22 They are my enemies too,
and I truly hate them.
23 Look deep into my heart, God,
and find out everything
I am thinking.
24 Don't let me follow evil ways,
but lead me in the way
that time has proven true.