Mambo Solomoni unokumbila butjenjedu
(1 Bomambo 3:1-15)1 Solomoni nkololo wa Dafite kabhudilila mu bushe gugwe ngono Yahwe Ndzimu uwe bakabe banaye bakanthama nkulu kupinda.
2 Kukati limwe zhuba Solomoni kalebeleka ne Baiziraela bose ne balauli be babhayani be bali zwiwulu ne be bali mazana ne basumikilisi ne makulukota wose e Iziraela ne misholo ye misha, 3 kuti bayende bose ku bugalo gwakatathila ku Gibiyoni ngobe nshasha we bushanganilo we Ndzimu wakabe wathamwa ndi Mushe nlanda wa Yahwe ali mu tjilambanyika wakabe uli ikoko, 4 nenguba Bhokisi le Tjidumano le Ndzimu lakabe latogwa ndi Dafite ku Kiriatijearimu eliyisa ku Jerusalema kwaakaswika elibiga mu nshasha waakabe abaka. 5 Pezhugwi kwa ikoku tjibeso tjinopisigwa zwibhayilo tje phangula tjakabe tjabakwa ndi Bhezaleli nkololo wa Uri, Uri ali nkololo wa Huri, tjakabe tjiliku Gibiyoni mbeli kwe bugalo gwe Ndzimu Yahwe. Solomoni ne gubungano lose bakanamata Yahwe ikoko. 6 Ngono Solomoni kayenda ku tjibeso tjinopisigwa zwibhayilo tjakathamwa nge phangula pa nshasha we bushanganilo kadusila Yahwe zwibhayilo zwinopisiwa zwili tjiwulu (1 000) mu tjili.
7 Kukati mu busiku igogo Ndzimu ukazwilakidza kuna Solomoni ngono ukandwa uti, “Unokumbila kuti ndikupeni kene?”
8 Ngono Solomoni kati ku Ndzimu, “Makathamila tate bangu Dafite lubu, na ngwenu kose matjindibiga mambo mu tjigalo tjabo. 9 Ngono ngwenu Yahwe Ndzimu wangu thamani kuti mushingikadze tjamakagadzabgwe tate bangu Dafite ngobe mandibiga mambo we bathu banjinji se hwuluba ye shango, 10 mundipe butjenjedu ne luzibo kuti ndizo ndibuse bathu ibaba, dumbu ndiani ungatubula kubusa bathu benyu wali?”
11 Ndzimu ukashandula Solomoni uti, “Ngoti ikoku kwabe kuli mu moyo uwo kakale auzokumbila thundu ne fumwa ne gudzo kene kuti kubulawe zwita zwizo kakale auzokumbila butjilo bulefu koga wakumbila butjenjedu ne luzibo gwe kubusa bathu bangu ibo bandakubiga kuti ube mambo wabo, 12 ndizo ndowokupa butjenjedu ne luzibo. Pezhugwi kwa ikoko ndowokupa thundu ne fumwa ne gudzo zwisakatongoti kukabe ne mambo wakabusa mbeli kuko wakabe nazo ne unowobusa shule kuko unowobe nazo.”
Simba ne fumwa ya Mambo Solomoni
(1 Bomambo 10:26-29)13 Ndizo Solomoni kayenda ku Jerusalema edwa mu Gibiyoni pa bugalo gwakatathila pa nshasha we bushanganilo ngono ikoko kabusa bathu be Iziraela.
14 Solomoni wakazwishabila koloyi dze ngwa ne mbizi, wakabe ana koloyi dze ngwa dzili tjiwulu tjina mazana ali manna (1 400) ne mbizi dzili zwiwulu zwili gumi lina zwiwulu zwibili (12 000). Dzimwe dzadzo wakabe akadzibiga mu Jerusalema koga dzimwe wakabe akadzibiga mu mimwe mizi mikulu ngothubukana kwayo. 15 Solomoni wakathama kuti siliva ne golide zwiwande se mabgwe mu Jerusalema ne miti ye sida ibe minji se miti ye sikamore inomela mu hwunde ye matombo. 16 Solomoni wakabe etenga mbizi ku Egipiti neku Kue, batengi ba mambo bakabe bedzitenga ku Kue. 17 Bakatenga koloyi ye ngwa imwe ne imwe ku Egipiti nge themba ye shekele dze siliva dzili mazana ali tathatu (600) ne mbizi ing'ompela nge themba ye zana lina makumi mashanu (150). Bakatengeselabo bomambo be Bahiti na bomambo be Siriya mbizi ne koloyi dze ngwa.
The Lord Makes Solomon Wise
(1 Kings 3.1-15)1 King Solomon, the son of David, was now in complete control of his kingdom, because the Lord God had blessed him and made him a powerful king.
2-5 At that time, the sacred tent that Moses the servant of the Lord had made in the desert was still kept at Gibeon, and in front of the tent was the bronze altar that Bezalel had made.
One day, Solomon told the people of Israel, the army commanders, the officials, and the family leaders, to go with him to the place of worship at Gibeon, even though his father King David had already moved the sacred chest from Kiriath-Jearim to the tent that he had set up for it in Jerusalem. Solomon and the others went to Gibeon to worship the Lord, 6 and there at the bronze altar, Solomon offered a thousand animals as sacrifices to please the Lord.
7 God appeared to Solomon that night in a dream and said, “Solomon, ask for anything you want, and I will give it to you.”
8 Solomon answered:
Lord God, you were always loyal to my father David, and now you have made me king of Israel. 9 I am supposed to rule these people, but there are as many of them as there are specks of dust on the ground. So keep the promise you made to my father 10 and make me wise. Give me the knowledge I'll need to be the king of this great nation of yours.
11 God replied:
Solomon, you could have asked me to make you rich or famous or to let you live a long time. Or you could have asked for your enemies to be destroyed. Instead, you asked for wisdom and knowledge to rule my people. 12 So I will make you wise and intelligent. But I will also make you richer and more famous than any king before or after you.
13 Solomon then left Gibeon and returned to Jerusalem, the capital city of Israel.
Solomon's Wealth
(1 Kings 10.26-29)14 Solomon had a force of 1,400 chariots and 12,000 horses that he kept in Jerusalem and other towns.
15 While Solomon was king of Israel, there was silver and gold everywhere in Jerusalem, and cedar was as common as ordinary sycamore trees in the foothills.
16-17 Solomon's merchants bought his horses and chariots in the regions of Musri and Kue. They paid 600 pieces of silver for a chariot and 150 pieces of silver for a horse. They also sold horses and chariots to the Hittite and Syrian kings.