Nshingo wa Paulo ku Batesalonika
1 Koga imwi zwikamu, moziba kuti kumu kumba kwedu akuzobe kuli madatha. 2 Koga nenguba muziba kuti takabe tadziyila kale, tikabhakhwa kunobhatisa shoni ku Filipi, koga nge bhatsho ye Ndzimu wedu takasimisamoyo kumubudza ndebo mbuya yawo patjena, nenguba kwakabe kuna kunyanyayidziwa kukulu. 3 Tjatinomukumbila atjitodwa mu kulashika kene mu mikumbulo isi mibuyanana, kakale atitogwisa kumulasha. 4 Koga tolebeleka tili bakaamutjigwa nge Ndzimu, kuti ndebo mbuya ingabigwa mu maboko edu. Atitogwisa kushathisa bathu, koga togwisa kushathisa Ndzimu, iwo unolika mimoyo yedu. 5 Moziba kuti atizotongo zha kumuli tizipisa ndebo, kakale atizotongo leba ndebo inosumbika bugovu. Ndzimu ntendeki wedu. 6 Takabe tisingashake kukudziwa nge bathu, imwi kene mmwe koga. 7 Se batumwa ba Kirisiti tobetakabe ntolo kumuli, koga takabe banyolo pakati kwenyu, tinga mayi belela bana babo batukununu. 8 Takabe timuda kwatakashathila kushanganyila namwi kusi ndebo mbuya yoga ye Ndzimu ne matjilo edubo, ngobe makabe mudika kwazo. 9 Ngobe moalakana, kushinga nenge kudziyidzika kwazo kwedu zwikamu, takashinga siku ne sikati, kuti tisibe ntolo mu muli ha tisumikila ndebo mbuya ye Ndzimu kumuli.
10 Mu batendeki, kose ne Ndzimu ntendeki, kuti takabe tili bakayengemala tjini, tili balulwami kakale tisina nlandu, tili pakati kwenyu imwi banogalamoyo. 11 Moziba kuti takabhata mmwe ne mmwe wenyu koga sa tate bebhata bana babo, 12 timusimisa, timunyaladza, timukulumbidza, kuti mutjile butjilo gwakafanila Ndzimu, iwo unomudanila mu gudzo le bushe gwawo.
13 Kakale togala tiboka Ndzimu, ngobe makati muamutjila dama le Ndzimu, ilo lamakahwa ndiswi, makaliamutjila kusi se dama le nthu, koga se dama le Ndzimu sekwa lili ilo, ilo linoshinga mu muli imwi banogalamoyo. 14 Imwi zwikamu, makabe bayedzi be makubungano e Ndzimu mu Judiya iwo amuna Kirisiti Jesu, ngobe makadziyidziwa nge bakanyi kwenyu, koga saibo bakadziyidziwa nge Bajuta, 15 ibo bakabulaya She Jesu ne balebesambeli, kakale bakatidziyidza. Abatoshathisa Ndzimu, kakale banonyanyayidza bathu bose 16 ne kutidzibisa kulebeleka ne Bezwitjaba, kuti ndizo Bezwitjaba batjidziwe. Nge zila iyeyi, bezhadza tjilizanyo tje zwibi zwabo misi yose. Koga bushongola gwe Ndzimu gwadzina gukabazhila kubupelo.
Njemulo dza Paulo kukumba Batesalonika
17 Koga zwikamu, kwakati takathubukana namwi tjibaka tjifupi, takabe tili tose mu mikumbulo. Mu kumushuba kwedu kukulu, takagwisa kwazo kuti tizhe timubone nge mesho. 18 Ngobe takabe tishaka zha kumuli, imi Paulo, ndakagwisa kanjinji koga Satani katima mbeli. 19 Dumbu kugalabgwe kwedu ne kushatha kwedu kene tjiala tje kukunda kungabeni, ha tima mbeli kwa She wedu Jesu Kirisiti ha ezha? Kungabeni ha isi imwi kene? 20 Ndimwi kuzwikudza ne kushatha kwedu.
Paul's Work in Thessalonica
1 My friends, you know our time with you wasn't wasted. 2 As you remember, we had been mistreated and insulted at Philippi. But God gave us the courage to tell you the good news about him, even though many people caused us trouble. 3 We didn't have any hidden motives when we won you over, and we didn't try to fool or trick anyone. 4 God was pleased to trust us with his message. We didn't speak to please people, but to please God who knows our motives.
5 You also know we didn't try to flatter anyone. God himself knows what we did wasn't a cover-up for greed. 6 We were not trying to get you or anyone else to praise us. 7 But as apostles, we could have demanded help from you. After all, Christ is the one who sent us. We chose to be like children or like a mother nursing her baby. 8 We cared so much for you, and you became so dear to us, that we were willing to give our lives for you when we gave you God's message.
9 My dear friends, you surely haven't forgotten our hard work and hardships. You remember how night and day we struggled to make a living, so we could tell you God's message without being a burden to anyone. 10 Both you and God are witnesses that we were pure and honest and innocent in our dealings with you followers of the Lord. 11 You also know we did everything for you that parents would do for their own children. 12 We begged, encouraged, and urged each of you to live in a way that would honor God. He is the one who chose you to share in his own kingdom and glory.
13 We always thank God that you believed the message we preached. It came from him, and it isn't something made up by humans. You accepted it as God's message, and now he is working in you. 14 My friends, you did just like God's churches in Judea and like the other followers of Christ Jesus there. And so, you were mistreated by your own people, in the same way they were mistreated by their people.
15 Those evil people killed the Lord Jesus and the prophets, and they even chased us away. God doesn't like what they do and neither does anyone else. 16 They keep us from speaking his message to the Gentiles and from leading them to be saved. They have always gone too far with their sins. Now God has finally become angry and will punish them.
Paul Wants To Visit the Church Again
17 My friends, we were kept from coming to you for a while, but we never stopped thinking about you. We were eager to see you and tried our best to visit you in person. 18 We really wanted to come. I myself tried several times, but Satan always stopped us. 19 After all, when the Lord Jesus appears, who else but you will give us hope and joy and be like a glorious crown for us? 20 You alone are our glory and joy!