Nkubila
1 Ipapo Yahwe bakadwa Nuwa bakati, “Ngina mu araka, iwe ne nsha uwo ngoti iwe ndawana wakalulwama mu bathu be tjibaka itjetji. 2 Ungine ne phuka ndume dzili kutendeka, imwe ne imwe ina nkwinya wayo hadzi dze ludzi gumwe ne gumwe gwe phuka mbuyanana. Mu phuka dzisi mbuyanana utole mbili mu ludzi gumwe ne gumwe ili ndume ne hadzi, 3 ne nyuni utole ndume dzili kutendeka ne hadzi dzadzo dzili kutendeka dze njudzi dzose kuti njudzi dzose dzitjile mu shango. 4 Ngoti shule kwe mazhuba ali kutendeka ndowonisa vula mu shango mazhuba ali makumi manna ne masiku ali makumi manna, ngono ndowokuba tjimwe ne tjimwe tjinotjila tjandakabumba mu shango.” 5 Nuwa kathama kose kwaakadwiwa ndi Yahwe.
6 Nuwa wakabe ana makole ali mazana ali matathatu (600) ha nkubila we vula uzha mu shango. 7 Nuwa ne nkadzi uwe ne bakololo babo ne bakadzi babo bakangina mu araka kutizha vula dze nkubila. 8 Phuka dzose mbuyanana ne phuka dzose dzisi mbuyanana ne nyuni ne zwitjili zose zwinokambayila mu shango, 9 bubili ne bubili ili ndume ne hadzi, zwikangina mu araka kuna Nuwa, Ndzimu sekwa wakadwa Nuwa. 10 Ngono shule kwe mazhuba ali kutendeka vula dze nkubila dzikazha mu shango.
11 Nuwa wakati ana makole ali mazana ali matathatu (600), mu mwedzi we bubili ushwa zhuba le bugumi lina mazhuba ali kutendeka (17), muna ilelo zhuba koga, misenya i pasi ikaphutuka ikazhulika ne kudzimu kukazhulika, 12 ngono vula ikana siku ne sikati mu shango mazhuba ali makumi manna ne masiku ali makumi manna (40). 13 Muna ilelo zhuba Nuwa ne bakololo babe Shemu na Hamu na Jafeti, kang'ompela ne nkadzi uwe ne bakadzi be bakololo babe bakangina mu araka. 14 Imomo bakabe bana phuka imwe ne imwe ye shango kuyenda nge ludzi gwayo ne zwithuwo zose nge njudzi dzazo ne tjimwe ne tjimwe tjinokambayila mu shango nge ludzi gwatjo ne nyuni imwe ne imwe nge ludzi gwayo, tjimwe ne tjimwe tjina mapapilo. 15 Bubili nge bubili gwe zwitjili zose zwina meya ye butjilo muzwili zwakazha kuna Nuwa zwikangina mu araka. 16 Phuka dzose dzakabe dzingina mukati yakabe ili ndume ne hadzi, Ndzimu sekwa wakabudza Nuwa. Ipapo Yahwe bakanzhalilila mukati.
17 Nkubila ukadwilila mu shango mazhuba ali makumi manna (40), ngono vula ikati ipaphidzika ikamilidza araka ikayenda pezhugwi. 18 Vula ikapaphidzika kwazo mu shango, araka ikaangama pezhugwi kwe vula. 19 Vula ikamilidzika kwazo mu shango ikakwididza matombo wose malefu. 20 Vula ikamilidzika ikakwitidza matombo, bulefu gungabe thambo dzili kutendeka pezhugwi kwe matombo. 21 Zwibumbiwa zose zwimu shango zwikafa: Nyuni ne zwithuwo ne phuka dze shango ne zwikonyana zwinonyewula mu shango nenge bathu bose. 22 Zose zwina meya ye bupenyu mu zwimilo zwazo mu shango zwikafa. 23 Ndizo Yahwe bakakuba tjimwe ne tjimwe tjinotjila mu shango, bathu ne phuka ne zwitjili zwinokambayila mu shango ne nyuni, zose zwakakubiwa mu shango. Nuwa koga ndiye wakasala ne bakabe banaye mu araka. 24 Vula ikasala yakakwididza shango mazhuba ali zana lina mazhuba ali makumi ali mashanu (150).
The Flood
1 The Lord told Noah:
Take your whole family with you into the boat, because you are the only one on this earth who pleases me. 2 Take seven pairs of every kind of animal that can be used for sacrifice and one pair of all others. 3 Also take seven pairs of every kind of bird with you. Do this so there will always be animals and birds on the earth. 4 Seven days from now I will send rain that will last for 40 days and nights, and I will destroy all other living creatures I have made.
5-7 Noah was 600 years old when he went into the boat to escape the flood, and he did everything the Lord had told him to do. His wife, his sons, and his daughters-in-law all went inside with him. 8-9 He obeyed God and took a male and a female of each kind of animal and bird into the boat with him. 10 Seven days later a flood began to cover the earth.
11-12 The water under the earth started gushing out everywhere, the sky opened like windows, and rain poured down for 40 days and nights. All this began on the seventeenth day of the second month of the year. 13 On that day Noah and his wife went into the boat with their three sons, Shem, Ham, and Japheth, and their wives. 14 They took along every kind of animal, tame and wild, including the birds. 15 Noah took a male and a female of every living creature with him, 16 just as God had told him to do. And when they were all in the boat, the Lord closed the door.
17-18 For 40 days the rain poured down without stopping. And the water became deeper and deeper, until the boat started floating high above the ground. 19-20 Finally, the mighty flood was so deep that even the highest mountain peaks were about seven meters below the surface of the water. 21 Not a bird, animal, reptile, or human was left alive anywhere on earth. 22-23 The Lord destroyed everything that breathed. Nothing was left alive except Noah and the others in the boat. 24 A hundred fifty days later, the water started going down.