1 Ndimi Judi, nlanda wa Jesu Kirisiti, ndili nnung'una wa Jakubo.
Ndokwalila ibabo bakadang'wa, banodika mu Ndzimu Tate, koga bakatjengetigwa Jesu Kirisiti:
2 Mahwilo ngoni ne mbakiso ne ludo ngazwibe namwi zwimuwandile.
Badiyi be manyepkhwa
3 Badiwa, nenguba ndakabe ndishaka kwazo kumukwalila ngekwe jidzo latinalo tose, ndawana kwakalingisana kumukwalila ndimukulumbidza kugwila kugalamoyo ikoku kwati kukapiwa bayengemali. 4 Bathu bamwe bakati kulobesiwa kwabo kukakwagwa ntolo bamunginilila nge kwakasumbikika. Bathu banonyanyayidza Ndzimu, banoshandula ngoni dze Ndzimu wedu bedzithama bugovu, bezwilandula Tetshi wedu nng'ompela koga, iye She Jesu Kirisiti.
5 Kene muziba zwenyu ikoku kose kale, ndoshaka kumukumbuludza kuti iye wakasunungula bathu mu Egipiti, wakati shule kalobesa ibabo bakabe basingagalemoyo. 6 Ne batumwa be kudzimu basakatjengeta mamo abo koga bakasiya nzi wabo, wakababiga mu zhalima mu busungwa gusingapele kuti basumikilisiwe mu zhuba gulu. 7 Koga se Sodoma ne Gomora ne mizi mikulu yakaipoteleka yakathama bupombgwe bunjisa ne kuthama zwithu nge zila isi ye tjilenje kube kupa tjilakidzilo tja ibabo banowoamutjila shamu ye moto usingadzimiwe.
8 Nge zila yakajalobo ibaba bawoloti banothama mibili yabo shambgwa belamba ndaulo ye Ndzimu kakale betuka bakudziwa be kudzimu. 9 Koga ntumwa we kudzimu nkulu Mikaele, paakabe enyanyayidzana na Satani ngekwe mbili wa Mushe aazotongo nsumikilisa, koga wakati, “She ngabakutjemele.” 10 Koga ibaba bathu banotuka tjimwe ne tjimwe tjabasingazibisise; ngono banolobesiwa nge zwithu izwezo zwabanoziba nge mbumbiko se phuka dzisingakumbule. 11 Yee mme wee! Mapalala imwi bakatobela zila ya Kaini! Bakatizhilila mbuzilo nge zila ye kulashika sa Bhalamu, bakalobesiwa mu kupanduka sa Kora. 12 Aba zwibadzi mu mizano yenyu ye ludo, beja namwi basina lutjo ne lutukununu gose; bakazwilinga ibo koga; makole asina vula, anowulusiwa nge phepo, miti isina mitjelo mu tjibaka tje mitjelo, yakafa, ikadzikunugwa. 13 Mabundo e vula ye gungwa, anothwa mafulo anoabhatisa shoni. Banonga nyenyedzi dzinoyendayenda dzakabiganyidzigwa zhalima dema nge kusingapele.
14 Enoki, iye we tjizekugwana tje kutendeka kudwa muna Adamu, wakalebela mbeli ngekwa ibaba eti, “Bonani, She unozha ne bali zwiwulu wulu zwe babe bakayengemala 15 kusumikilisa mmwe ne mmwe, ne kubona nlandu bose bakashinga mishingo yabo isina Ndzimu nenge matama wose mabi akalebgwa nge batjinyi ngekwe Ndzimu!”
16 Aba bang'ong'oli ne bakombeledzi banotobela njemulo dzabo dzakabipa banozwikudza banozipisa lulimi betjengela bamwe kuti kubhatshike ibo koga.
Kusimisila
17 Koga, badiwa, kumbulani tjakalebegwa mbeli nge batumwa ba She wedu Jesu Kirisiti. 18 Bakati kumuli, “Mu nsi we bupelo kowobe ne badadi banotobela njemulo dzabo dzakabipa dzisina meya ye Ndzimu.” 19 Ibaba ndibo banodana kupalalana, bana meya isi iyo abana Meya yakayengemala. 20 Koga imwi, banodika, muzwibumbeni nge buzhalo mu kugalamoyo kwenyu kwakayengemala kwazo, mutembezela mu Meya yakayengemala. 21 Muzwitjengetele mu ludo gwe Ndzimu, lindilani mahwilo ngoni a She wedu Jesu Kirisiti kumupa butjilo gusingapele.
22 Ibeni nge ngoni kuna banodudumwa. 23 Tjidzani bamwe nge kubabhula mu moto usingadzimike; ku bamwe mulakidze ngoni dzakashangana ngotja, mushima na itjo tjiambalo tja ibaba bakazhodzeka nge shambgwa ye njemulo dzabo dzakabipa.
Ntembezelo we kukudza
24 Ngwenu kunli iye unotubula kumutjengeta kuti musiwe, kamuyisa mbeli kukwe ali mu gudzo musina nlandu ngono muna kushatha kukulu, 25 ku Ndzimu nng'ompela koga Ntjidzi wedu, muna Jesu Kirisiti, She wedu, ngakube gudzo ne bukulu ne masimba ne ndaulo se kwakabe kuli iko kutanga nangwenu nenge kusingapele. Ngakujalo.
1 From Jude, a servant of Jesus Christ and the brother of James.
To all who are chosen and loved by God the Father and are kept safe by Jesus Christ.
2 I pray that God will greatly bless you with mercy, peace, and love!
False Teachers
3 My dear friends, I really wanted to write you about God's saving power at work in our lives. But instead, I must write and ask you to defend the faith that God has once for all given to his people. 4 Some godless people have sneaked in among us and are saying, “God treats us much better than we deserve, and so it is all right to be immoral.” They even deny we must obey Jesus Christ as our only Master and Lord. But long ago the Scriptures warned that these godless people were doomed.
5 Don't forget what happened to those people the Lord rescued from Egypt. Some of them did not have faith, and he later destroyed them. 6 You also know about the angels who didn't do their work and left their proper places. God chained them with everlasting chains and is now keeping them in dark pits until the great day of judgment. 7 We should also be warned by what happened to the cities of Sodom and Gomorrah and the nearby towns. Their people became immoral and committed all sorts of sexual sins. Then God made an example of them and punished them with eternal fire.
8 The people I am talking about are behaving just like those dreamers who destroyed their own bodies. They reject all authority and insult angels. 9 Even Michael, the chief angel, didn't dare to insult the devil, when the two of them were arguing about the body of Moses. All Michael said was, “The Lord will punish you!”
10 But these people insult powers they don't know anything about. They are like senseless animals that end up getting destroyed, because they live only by their feelings. 11 Now they are in for real trouble. They have followed Cain's example and have made the same mistake that Balaam did by caring only for money. They have also rebelled against God, just as Korah did. Because of all this, they will be destroyed.
12 These people are filthy minded, and by their shameful and selfish actions they spoil the meals you eat together. They are like clouds blown along by the wind, but never bringing any rain. They are like leafless trees, uprooted and dead, and unable to produce fruit. 13 Their shameful deeds show up like foam on wild ocean waves. They are like wandering stars forever doomed to the darkest pits of hell.
14 Enoch was the seventh person after Adam, and he was talking about these people when he said:
Look! The Lord is coming with thousands and thousands of holy angels 15 to judge everyone. He will punish all those ungodly people for all the evil things they have done. The Lord will surely punish those ungodly sinners for every evil thing they have ever said about him.
16 These people grumble and complain and live by their own selfish desires. They brag about themselves and flatter others to get what they want.
More Warnings
17 My dear friends, remember the warning you were given by the apostles of our Lord Jesus Christ. 18 They told you that near the end of time, selfish and godless people would start making fun of God. 19 And now these people are already making you turn against each other. They think only about this life, and they don't have God's Spirit.
20 Dear friends, keep building on the foundation of your most holy faith, as the Holy Spirit helps you to pray. 21 And keep in step with God's love, as you wait for our Lord Jesus Christ to show how kind he is by giving you eternal life. 22 Be helpful to all who may have doubts. 23 Rescue any who need to be saved, as you would rescue someone from a fire. Then with fear in your own hearts, have mercy on everyone who needs it. But hate even the clothes of those who have been made dirty by their filthy deeds.
Final Prayer
24-25 Offer praise to God our Savior because of our Lord Jesus Christ! Only God can keep you from falling and make you pure and joyful in his glorious presence. Before time began and now and forever, God is worthy of glory, honor, power, and authority. Amen.