Tjidumano tjasungwa
1 Ipapo Ndzimu wakati kuna Mushe, “Tathila ngeno kuna Yahwe, iwe na Aroni na Nadabu na Abihu ne bakulu be Iziraela bali makumi ali kutendeka ngono munamate muli thambo. 2 Mushe ega asedzele pejo na Yahwe, koga bamwe ibo basitongo sedzela pejo, bathu basitongo zha naye.”
3 Mushe kazha kabudza bathu matama wose a Yahwe ne ndayo dzose dzabo, ngono bathu bakadabila bose nge hwi ling'ompela beti, “Towothama tjimwe ne tjimwe sekwa leba Yahwe.” 4 Mushe kakwala matama wose a Yahwe ngono kamuka ebinduka enobaka tjibeso tjinopisigwa zwibhayilo pa hwunde ye dombo, ebe emisa mabgwe ali gumi lina mabili (12) kuyendidzana ne njudzi dzili gumi lina mbili dze Iziraela. 5 Ngono katuma bazhuzha be Baiziraela kuyisila Yahwe zwibhayilo zwinopisiwa ne zwibhayilo zwe mbakisano zwe mangabe. 6 Mushe katola gaswa le malopa kalilonga mu ndilo, gaswa limwe le malopa kanyasa tjibeso tjinopisigwa zwibhayilo ndilo. 7 Ipapo katola Lukwalo gwe Tjidumano kagubalila bathu ngono ibo bakabe beti, “Kose kwalebgwa ndi Yahwe towokushinga, ngono tikabahwa.”
8 Mushe katola malopa kanyasa bathu ndiwo kabadwa kati, “Bonani, awa malopa e tjidumano Yahwe tjabathama namwi kuyendidzana ne matama wose iyawa.” 9 Ndizo Mushe na Aroni na Nadabu na Abihu ne bakulu be Iziraela bali makumi ali kutendeka (70) bakatathila pezhugwi, 10 ngono bakabona Ndzimu we Iziraela ngono kusi kwe makumbo awo kuna budzilo gunonga gwakathamiwa nge mabgwe mabuya e safire kufana ne kudzimu kubuyanana. 11 Ndzimu auzoloba batungamili ibaba be Iziraela, bakabona Ndzimu ngono bakaja bakang'wa.
Mushe ali pezhugwi kwe Dombo le Sinai
12 Yahwe bakadwa Mushe bakati, “Tathila ngeno kundili pezhugwi kwe dombo, ube uma uli apajee, imi ndowokupa zwileiti zwe mabgwe zwina milayo yandakwalila kulayiwa kwabo.” 13 Ndizo Mushe kamilika ana mbhatshi uwe Joshuwa, ngono Mushe katatha Dombo le Ndzimu. 14 Kabe edwa bakulu be Iziraela eti, “Mutimilile ipapa kudzina tibuya. Bonani, Aroni na Huri banamwi, ungabe ana ndebo ayende ku bali.”
15 Ndizo Mushe katatha dombo ngono gole likazwimba dombo. 16 Tjedza tja Yahwe tjikaambadza Dombo le Sinai, gole likazwimba dombo mazhuba ali matathatu, mu zhuba le butendeka Ndzimu ukadana Mushe uli pakati kwe gole. 17 Kulingika kwe tjedza tja Yahwe mu mesho e Baiziraela kwakabe kunga moto unothuta pezhugwi kwe dombo. 18 Ngono Mushe kangina mu gole katathila pezhugwi kwe dombo. Ngono kagala pezhugwi kwe dombo mazhuba ali makumi manna ne masiku ali makumi manna.
The People Agree To Obey God
1 The Lord said to Moses, “Come up to me on this mountain. Bring along Aaron, as well as his two sons Nadab and Abihu, and 70 of Israel's leaders. They must worship me at a distance, 2 but you are to come near. Don't let anyone else come up.”
3 Moses gave the Lord's instructions to the people, and they all promised, “We will do everything the Lord has commanded!” 4 Then Moses wrote down what the Lord had said.
The next morning Moses got up early. He built an altar at the foot of the mountain and set up a large stone for each of the twelve tribes of Israel. 5 He also sent some young men to burn offerings and to sacrifice bulls as special offerings to the Lord. 6 Moses put half of the blood from the animals into bowls and sprinkled the rest on the altar. 7 Then he read aloud the Lord's commands and promises, and the people shouted, “We will obey the Lord and do everything he has commanded!”
8 Moses took the blood from the bowls and sprinkled it on the people. Next, he told them, “With this blood the Lord makes his agreement with you.”
9 Moses and Aaron, together with Nadab and Abihu and the 70 leaders, went up the mountain 10 and saw the God of Israel. Under his feet was something that looked like a pavement made out of sapphire, and it was as bright as the sky.
11 Even though these leaders of Israel saw God, he did not punish them. So they ate and drank.
Moses on Mount Sinai
12 The Lord said to Moses, “Come up on the mountain and stay here for a while. I will give you the two flat stones on which I have written the laws that my people must obey.” 13 Moses and Joshua his assistant got ready, then Moses started up the mountain to meet with God.
14 Moses had told the leaders, “Wait here until we come back. Aaron and Hur will be with you, and they can settle any arguments while we are away.”
15 When Moses went up on Mount Sinai, a cloud covered it, 16 and the bright glory of the Lord came down and stayed there. The cloud covered the mountain for six days, and on the seventh day the Lord told Moses to come into the cloud. 17-18 Moses did so and stayed there 40 days and nights. To the people, the Lord's glory looked like a blazing fire on top of the mountain.