Milayo ili gumi
(Matama 5:1-21)1 Ngono Ndzimu ukaleba matama wose iyawa ukati, 2 “Ndimi Yahwe Ndzimu uwo, iye wakamudusa mu shango ye Egipiti, kudwa mu ng'umba ye bulanda.
3 “Usitongobe ne mimwe midzimu ipoga kuzhe kwangu.
4 “Usitongo zwithamigwa midzimu yakabezhiwa, kene tjili ifano tje tjimwe tje zhuzhugwi, kene tjimwe tjimu shango pasi, kene tjimwe tjimu vula kusi kwe shango. 5 Usitongo ikotamila kene kuli kuinamata ngoti imi Yahwe Ndzimu uwo ndi Ndzimu una fupa, ndolobela bana shamu milandu ya botate babo kunoti mu tjizekugwana tje butatu ne tje bunna tja ibabo banondibenga. 6 Koga ndolakidza ludo gusingazunguzike kuna bali zwiwulu banondida banolondolodza milayo yangu.
7 “Usitongo danila zina la Yahwe Ndzimu uwo suli ngobe Yahwe abatowonshaya nlandu iye unodanila zina labo suli.
8 “Kumbula zhuba le Sabata kuliyengemadza. 9 Mu mazhuba ali matathatu ushinge nshingo uwo wose, 10 koga zhuba le butendeka izhuba le kunyaluluka la Yahwe Ndzimu uwo; mu lili usitongo shinga nshingo kene uli upi, iwe kene nkololo uwo kene nkololokadzi uwo kene nlanda uwo kene nlandakadzi uwo kene ng'ombe dzidzo kene mwezi umu nzi uwo. 11 Ngoti mu mazhuba ali matathatu Yahwe bakabumba kudzimu ne shango ne gungwa ne zwithu zose zwimu zwili ngono bakanyaluluka mu zhuba le butendeka, ndizo Yahwe bakakombolela zhuba le Sabata kakale bakaliyengemadza.
12 “Teta tate babo na mmeyabo kuti ndizo mazhuba awo abe manji mu shango yaunopiwa ndi Yahwe Ndzimu uwo.
13 “Usitongo bulaya.
14 “Usitongo thama bupombgwe.
15 “Usitongo kwiba.
16 “Usitongo pa butendeki gwe manyepkhwa ngekwe mbakidzani uwo.
17 “Usitongo yemula ng'umba ye mbakidzani uwo. Usitongo yemula nkadzi we mbakidzani uwo kene nlandalume uwe kene nlandakadzi uwe kene ng'ombe iye kene donki iye kene tjimwe tje mbakidzani uwo.”
Lutjo gwe bathu
(Matama 5:22-33)18 Kwakati bathu bebona matutu ne kudadamula kwe vula ne kupenya kwayo ne kulila kwe lunyanga, ne dombo lithungayila busi bakatja bakatetema, ngono bakamila kutjena. 19 Bakadwa Mushe bakati, “Lebeleka naswi iwe, ngono towohwilila, koga Ndzimu usitongolebeleka naswi, tingadwa tifa.”
20 Ngono Mushe kashandula bathu eti, “Musitje ngobe Ndzimu wazha kuwomulika kuti ndizo tjiwa kwawo kube mu muli, kuti ndizo musithame tjibi.” 21 Bathu bakamila kutjena, Mushe iye kabe esedzela pejo ku zhalima lakati zwititi Ndzimu pawakabe ulipo.
Nlayo we tjibeso tjinopisigwa zwibhayilo
22 Yahwe bakadwa Mushe bakati, “Udwe Baiziraela uti, ‘Mazwibonegwa kuti ndalebeleka namwi kudwa kudzimu. 23 Musitongo thama midzimu ye siliva kuibapisa nami, nenguba ili ye golide. 24 Undithamile tjibeso tjinopisigwa zwibhayilo nge vu ngono undipile zwibhayilo zwinopisiwa ne zwibhayilo zwe mbakisano zwili zwe pkhwizi dzidzo ne ng'ombe dzidzo mu magalo mamwe ne mamwe kwandinothama zina langu kuti likumbugwe. Ndowozha ku kuli akukombolela. 25 Koga ha undithamila tjibeso tjinopisigwa zwibhayilo nge mabgwe, usitongo tjibaka nge mabgwe akabezhiwa, ngoti aumilidzila mbezhwana iyo pezhugwi kwalo walitemapadza. 26 Usitongotathila pezhugwi kwe tjibeso tjangu tjinopisigwa zwibhayilo nge zwitubhu kuti mbujo iyo isibe patjena pezhugwi kwatjo.’ ”
The Ten Commandments
(Deuteronomy 5.1-21)1 God said to the people of Israel:
2 I am the Lord your God, the one who brought you out of Egypt where you were slaves.
3 Do not worship any god except me.
4 Do not make idols that look like anything in the sky or on earth or in the ocean under the earth. 5 Don't bow down and worship idols. I am the Lord your God, and I demand all your love. If you reject me, I will punish your families for three or four generations. 6 But if you love me and obey my laws, I will be kind to your families for thousands of generations.
7 Do not misuse my name. I am the Lord your God, and I will punish anyone who misuses my name.
8 Remember that the Sabbath Day belongs to me. 9 You have six days when you can do your work, 10 but the seventh day of each week belongs to me, your God. No one is to work on that day—not you, your children, your slaves, your animals, or the foreigners who live in your towns. 11 In six days I made the sky, the earth, the oceans, and everything in them, but on the seventh day I rested. That's why I made the Sabbath a special day that belongs to me.
12 Respect your father and your mother, and you will live a long time in the land I am giving you.
13 Do not murder.
14 Be faithful in marriage.
15 Do not steal.
16 Do not tell lies about others.
17 Do not desire to possess anything that belongs to another person—not a house, a wife, a husband, a slave, an ox, a donkey, or anything else.
The People Are Afraid
(Deuteronomy 5.23-33)18 The people trembled with fear when they heard the thunder and the trumpet and saw the lightning and the smoke coming from the mountain. They stood a long way off 19 and said to Moses, “If you speak to us, we will listen. But don't let God speak to us, or we will die!”
20 “Don't be afraid!” Moses replied. “God has come only to test you, so that by obeying him you won't sin.” 21 But when Moses went near the thick cloud where God was, the people stayed a long way off.
Idols and Altars
22 The Lord told Moses to say to the people of Israel:
With your own eyes you saw me speak to you from heaven. 23 So you must never make idols of silver or gold to worship in place of me.
24 Build an altar out of earth, and offer on it your sacrifices of sheep, goats, and cattle. Wherever I choose to be worshiped, I will come down to bless you. 25 If you ever build an altar for me out of stones, do not use any tools to chisel the stones, because that would make the altar unfit for use in worship. 26 And don't build an altar that requires steps; you might expose yourself when you climb up.