Kusumikilisa bamwe
(Luke 6:37-38, Luke 41-42)1 “Musisumikilise, kuti ndizo musisumikilisiwe. 2 Ngobe nge zila yamunosumikilisa bamwe ndiyo, namwibo mowosumikilisiwa ndiyo, nge tjilizanyo tjamunolizanya nditjo mowolizanyigwabo nditjo. 3 Ini una hanya nge lubatsha gumu zhisho le ikamu tjitjo ngono ushayila hanya guni limu zhisho lilo kene? 4 Apa ungadwa ikamu tjitjo tjini uti, ‘Ima ndiduse lubatsha mu zhisho lilo,’ koga kuna guni muna lilo zhisho kene? 5 Ntjengedzi ndiwe! Kutanga dusa guni mu zhisho lilo, kudwapo ndiko kwaunowobona zubuyanana kudusa lubatsha mu zhisho le ikamu tjitjo.
6 “Musipe mbgwa tjakayengemala dzingadwa dzimushandukila dzimupalulanya. Musilashile ndalama dzenyu dzakanaka mbeli kwe hwotji, dzingadzikanyanga nge makumbo.
Kumbilani, shakani, kokodzani
(Luke 11:9-13)7 “Kumbilani mowopiwa, shakani mowowana, kokodzani mowozhuligwa. 8 Ngobe mmwe ne mmwe unokumbila unopiwa na iye unoshaka unowana, kakale na iye unokokodza, unowozhuligwa. 9 Ndiupi wenyu ungati mwana uwe ekumbila tjiwunga kampa bgwe kene? 10 Kene ungati ekumbila hwobe kampa nyoka kene? 11 Apa imwi nenguba muli babi muziba kupa bana benyu zwipo zwakanaka, kukulu seni kwa Tate benyu ba kudzimu kwabanowobapa zwipo zwakanaka ibo banobakumbila kene!
12 “Tjimwe ne tjimwe tjamunoyemula kuti bamwe bamuyitile itjo, mubayitile itjobo, ngobe oyu ndiwo nlayo ne balebesambeli.
Nkoba wakamanikana
(Luke 13:24)13 “Nginani nge nkoba wakamanikana, ngobe nkoba wakashatha ne zila yakazhuka inoyenda ku golomodzo ngono banongina ndiwo banji. 14 Koga nkoba wakamanikana ne zila inolema inoyenda ku butjilo, ndizo banoiwana bashomanana.
Nti ne zwizwalo zwawo
(Luke 6:43-44)15 “Tjenjelelani balebesambeli be manyepkhwa. Banozha kumuli bakaambala makukuta e pkhwizi, koga mukati bali phele dzina bushongola. 16 Mowobaziba nge zwizwalo zwabo. Apa zhambi dzotjegwa mu mihwa kene, kene phaya mu zwishosho? 17 Sa ikoko nti mmwe ne mmwe wakalulwama unozwala zwizwalo zwakalulwama ne nti wakabipa unozwala mitjelo yakabipa. 18 Nti wakalulwama aungazwale mitjelo yakabipa, kakale nti wakabipa aungazwale zwizwalo zwibuya. 19 Nti mmwe ne mmwe usingazwale zwizwalo zwakalulwama unotemiwa ukalashigwa mu moto. 20 Ndizo mowobaziba nge zwizwalo zwabo.
Andizotongo muziba
(Luke 13:25-27)21 “Ate mmwe ne mmwe unoti kundili, ‘She, She,’ unowongina mu bushe gwe kudzimu, koga kowongina iwoyo unothama kuda kwa Tate bangu ba kudzimu. 22 Muna ilelo zhuba, banji banowoti kundili ‘She, She, apa atizolebelambeli nge zina lenyu, tikadusa meya mibi nge zina lenyu, tikathama matjenamiso makulu nge zina lenyu kene?’ 23 Ipapo ndowobadwa ati, ‘Andizotongo muziba. Idwani pandili bashingi be bubi ndimwi!’
Mbaki wakatjenjela ne we tjilengwe
(Luke 6:47-49)24 “Ndizo mmwe ne mmwe unohwa matama angu iyawa kaalondolodza unofanana ne nlume wakatjenjela wakabaka ng'umba iye pezhugwi kwe bgwe. 25 Vula ikana, kukabe ne mikubila ne phepo dzikatutudza, koga ng'umba iyeyo ikasiwe, ngobe yakabe yakabakwa mu bgwe.
26 “Koga mmwe ne mmwe unohwa matama angu iyawa kasialondolodze unofanana ne nlume we tjilengwe wakabaka ng'umba mu nsetje. 27 Vula ikana njizi dzikazhala ne phepo dzikatutudza, ng'umba iyeyo ikawa tjose.”
Jesu unodiya lebeswa
28 Jesu kati apedza kuleba izwezwi zwithu, mibunga ye bathu ikakaabadziwa ngodiya kukwe, 29 ngobe wakatubula kudiya lebeswa, asingafanane ne badiyi babo be nlayo.
Judging Others
(Luke 6.37Luke 38Luke 41Luke 42)1 Don't condemn others, and God won't condemn you. 2 God will be as hard on you as you are on others! He will treat you exactly as you treat them.
3 You can see the speck in your friend's eye, but you don't notice the log in your own eye. 4 How can you say, “My friend, let me take the speck out of your eye,” when you don't see the log in your own eye? 5 You're nothing but show-offs! First, take the log out of your own eye; then you can see how to take the speck out of your friend's eye.
6 Don't give to dogs what belongs to God. They will only turn and attack you. Don't throw pearls down in front of pigs. They will trample all over them.
Ask, Search, Knock
(Luke 11.9-13)7 Ask, and you will receive. Search, and you will find. Knock, and the door will be opened for you. 8 Everyone who asks will receive. Everyone who searches will find. And the door will be opened for everyone who knocks.
9 Would any of you give your hungry child a stone, if the child asked for some bread? 10 Would you give your child a snake if the child asked for a fish? 11 As bad as you are, you still know how to give good gifts to your children. But your heavenly Father is even more ready to give good things to people who ask.
12 Treat others as you want them to treat you. This is what the Law and the Prophets are all about.
The Narrow Gate
(Luke 13.24)13 Go in through the narrow gate. The gate to destruction is wide, and the road that leads there is easy to follow. A lot of people go through that gate. 14 But the gate to life is very narrow. The road that leads there is so hard to follow that only a few people find it.
A Tree and Its Fruit
(Luke 6.43-45)15 Watch out for false prophets! They dress up like sheep, but inside they are wolves who have come to attack you. 16 You can tell what they are by what they do. No one picks grapes or figs from thornbushes. 17 A good tree produces good fruit, and a bad tree produces bad fruit. 18 A good tree cannot produce bad fruit, and a bad tree cannot produce good fruit. 19 Every tree producing bad fruit will be chopped down and burned. 20 You can tell who the false prophets are by their deeds.
A Warning
(Luke 13.26Luke 27)21 Not everyone who calls me their Lord will get into the kingdom of heaven. Only the ones who obey my Father in heaven will get in. 22 On the day of judgment many will call me their Lord. They will say, “We preached in your name, and in your name we forced out demons and worked many miracles.” 23 But I will tell them, “I will have nothing to do with you! Get out of my sight, you evil people!”
Two Builders
(Luke 6.47-49)24 Anyone who hears and obeys these teachings of mine is like a wise person who built a house on solid rock. 25 Rain poured down, rivers flooded, and winds beat against that house. But it was built on solid rock, and so it did not fall.
26 Anyone who hears my teachings and doesn't obey them is like a foolish person who built a house on sand. 27 Rain poured down, rivers flooded, and the winds blew and beat against that house. Finally, it fell with a crash.
28 When Jesus finished speaking, the crowds were surprised at his teaching. 29 He taught them like someone with authority, and not like their teachers of the Law of Moses.