Mambo Manase we Juda
(2 Zwiyitikalo 33:1-20)1 Manase wakatangisa kubusa ana makole ali gumi lina mabili (12), wakabusa makole ali makumi mashanu ana mashanu (55) mu Jerusalema. Zina la mmeyabe liyi Hefiziba. 2 Kathama mbipo mu mesho a Yahwe, etobela mipanga ye zwitjaba zwakabe zwatatiwa ndi Yahwe mbeli kwe Baiziraela. 3 Wakamusa magalo akatuthumala akabe a kolomodziwa ndi tate babe Hezekiya, ngono kabakila Bhaale tjibeso tjinopisigwa zwibhayilo kathama phanda dze ndzimukadzi Ashera sekwakathama Ahabu mambo we Iziraela, ngono kathigamila mibunga yose ye zhuzhugwi, kayishingila. 4 Ngono kabaka zwibeso zwe zwibhayilo mu ng'umba ya Yahwe, Yahwe bakabe baleba ngekwayo beti, “Ndowobiga zina langu mu Jerusalema.” 5 Mu mabazhe nge bubili gwawo e Ng'umba ya Yahwe, kabaka zwibeso zwe zwibhayilo kuti kuthigamigwe mibunga yose ye zhuzhugwi. 6 Kapisa nkololo uwe kuli tjibhayilo ngono kathama mishingo ye buloyi neye masalamusi, kashinga ne zwangoma ne midzimu. Kathama zwinji zwakabipa mu mesho a Yahwe, kabalonga bushongola. 7 Ngono katola ifano tja Ashera tjaakabe athama katjibiga mu Ng'umba ya Yahwe yabakaleba ngekwayo kuna Dafite ne ku nkololo uwe Solomoni beti, “Mu ng'umba iyeyi, ne mu Jerusalema yandakashalula mu njudzi dzose dze Iziraela, ndowobiga zina langu nge kusingapele. 8 Ngono anditjowoletja Baiziraela bakayendayenda be bhuda mu shango yandakapa botate babo, koga abangabe ne njele kushinga kuyendidzana ne tjandakabadwa ne kuyendidzana ne nlayo wose wabakadwiwa ndi Mushe nlanda wangu.” 9 Koga bakasiteedze, Manase kabakwebela ntome kuti bathame mbipo inopinda yakathamwa nge zwitjaba zwakalobesiwa na Yahwe mbeli kwe bathu be Iziraela. 10 Ngono Yahwe bakalebeleka nge balanda babo balebesambeli beti, 11 “Ngoti Manase mambo we Juda wa shinga zwinoshimisa, wathama mbipo kupinda Baamori bakabe bali mbeli kukwe, ngono katungamilila Juda mu tjibi nge midzimu iye, 12 ndizo wali tjinoleba Yahwe Ndzimu we Iziraela ndi yetji, Bonani, ndowozhisa mbipo mu Jerusalema ne mu Juda inowoti mmwe ne mmwe unohwa nge kwayo zebe dzidze dzikadhuma. 13 Ndowosimisila Jerusalema ntjili we tjilizanyo we Samariya ne ntjili unotambunudza wakashingisigwa be nsha wa Ahabu. Ndowotshumula Jerusalema se ndinotshula ndilo, ndiyitshula ngono ndiyitshibika. 14 Ndowolasha malimbelimbe e thaka yangu ngono abalonga mu maboko e zwita zwabo. Banowotapiwa bakabe basungwa be zwita zwabo. 15 Ngoti bakathama mbipo mu mesho angu ngono bakandilonga bushongola, kudwa tjose zhuba la botate babo be bhuda mu Egipiti kuswikila nasi.” 16 Kupinda ipapa, Manase wakatebula malopa manjinji asina nlandu, ezhadza Jerusalema kudwa ku ndzibo kunoti ku umwe, kuzhe kwe tjibi tjaakathama Juda kuti atjithame, kuti ndizo bathame mbipo mu mesho a Yahwe. 17 Mishingo mimwe ya Manase na zose zwaakathama ne zwibi zwaakashinga zwakakwagwa mu lukwalo gwe zwiyitikalo gwa bomambo be Juda. 18 Ngono Manase kalala na botate babe ngono kabiganyiwa mu nnda we ng'umba iye, mu nnda wa Uza. Amoni nkololo uwe kan'gala thaka.
Mambo Amoni we Juda
(2 Zwiyitikalo 33:21-25)19 Amoni wakatangisa kubusa ana makole ali makumi mabili ana mabili (22) ngono kabusa makole mabili mu Jerusalema. Zina la mmeyabe liyi Meshulemeti nkololokadzi wa Haruzi we Jotibha. 20 Kathama mbipo mu mesho a Yahwe sekwakathama tate babe Manase. 21 Katobela zila dzose dzakatobegwa na tate babe, ngono kashingila midzimu ye zwifano yakashingigwa na tate babe, kayithigamila. 22 Kafupatila Yahwe Ndzimu wa botate babe ngono kasitobele zila dza Yahwe. 23 Ngono makombgwa a Amoni kanlukila gwanga, ngono bakabulayila mambo mu ng'umba iye. 24 Ngono bathu be shango bakabulaya bose bakabe balukila Mambo Amoni gwanga, ngono bakabiga Josiya nkololo uwe kube mambo mu bumo gugwe. 25 Mishingo yose ya Amoni yaakathama yakakwagwa mu lukwalo gwe zwiyitikalo gwa bomambo be Juda. 26 Wakabiganyiwa mu ikumbu tjitje mu nnda wa Uza. Ngono Josiya nkololo uwe kan'gala thaka.
King Manasseh of Judah
(2 Chronicles 33.1-20)1 Manasseh was 12 years old when he became king of Judah, and he ruled 55 years from Jerusalem. His mother was Hephzibah. 2 Manasseh disobeyed the Lord by following the disgusting customs of the nations that the Lord had forced out of Israel. 3 He rebuilt the local shrines that his father Hezekiah had torn down. He built altars for the god Baal and set up a sacred pole for worshiping the goddess Asherah, just as King Ahab of Israel had done. And he faithfully worshiped the stars in heaven.
4 In the temple, where only the Lord was supposed to be worshiped, Manasseh built altars for the worship of pagan gods 5 and the stars. He placed these altars in both courts of the temple, 6-7 and even set up the pole for Asherah there. Manasseh practiced magic and witchcraft; he asked fortunetellers for advice and sacrificed his own son. He did many sinful things and made the Lord very angry.
Years ago the Lord had told David and his son Solomon:
Jerusalem is the place I prefer above all others in Israel. It belongs to me, and there I will be worshiped forever. 8 If my people will faithfully obey all the commands in the Law of my servant Moses, I will never make them leave the land I gave to their ancestors.
9 But the people of Judah disobeyed the Lord. They listened to Manasseh and did even more sinful things than the nations the Lord had wiped out.
10 One day the Lord said to some of his prophets:
11 King Manasseh has done more disgusting things than the Amorites, and he has led my people to sin by forcing them to worship his idols. 12 Now I, the Lord God of Israel, will destroy both Jerusalem and Judah! People will hear about it but won't believe it. 13 Jerusalem is as sinful as Ahab and the people of Samaria were. So I will wipe out Jerusalem and be done with it, just as someone wipes water off a plate and turns it over to dry.
14 I will even get rid of my people who survive. They will be defeated and robbed by their enemies. 15 My people have done what I hate and have not stopped making me angry since their ancestors left Egypt.
16 Manasseh was guilty of causing the people of Judah to sin and disobey the Lord. He also refused to protect innocent people—he even let so many of them be killed that their blood filled the streets of Jerusalem.
17 Everything else Manasseh did while he was king, including his terrible sins, is written in The History of the Kings of Judah. 18 He died and was buried in Uzza Garden near his palace, and his son Amon became king.
King Amon of Judah
(2 Chronicles 33.21-25)19 Amon was 22 years old when he became king of Judah, and he ruled from Jerusalem for 2 years. His mother Meshullemeth was the daughter of Haruz from Jotbah. 20 Amon disobeyed the Lord, just as his father Manasseh had done. 21 Amon worshiped the idols Manasseh had made and 22 refused to be faithful to the Lord, the God his ancestors had worshiped.
23 Some of Amon's officials plotted against him and killed him in his palace. 24-26 He was buried in Uzza Garden. Soon after that, the people of Judah killed the murderers of Amon, then they made his son Josiah king.
Everything else Amon did while he was king is written in The History of the Kings of Judah.