Bafumi
1 Hwililani imwi bafumi, lilani mukuwe ngekwe buyendasi gwamuswikila. 2 Fumwa yenyu yakabola ne zwiambalo zwenyu zwakajiwa nge ntjenje. 3 Golide ne siliva dzenyu dzakajiwa nge bulala. Bulala igogu gowobe butendeki gwekuti mu nlandu. Gowomuja se moto. Makazwikubunganyila fumwa mu mazhuba e bupelo. 4 Bonani ndipo dze bashingi bakavuna mu minda yenyu, dzamusakalipa! Banolila. Tjililo tjabo tjakangina mu zebe dza She we masimba wose. 5 Makatjilila mu ipepkhwe mu shango muzwishathisa. Muzwikodza muzwilulwamisila zhuba le kubulawa. 6 Makabona nlandu mukabuya mukabulaya bathu bakalulwama basinga lambane namwi.
Moyonlefu ne ntembezelo
7 Ibeni ne moyonlefu zwikamu, kuswikila kubuya kwa She. Bonani, nlimi unomilila mitjelo mibuya ye shango, nge moyonlefu kudzina iwana vula ye kutanga ne ye bupelo. 8 Namwibo, musinyalemoyo, simani, nge kuti kuzha kwa She kwabe pejo.
9 Musing'ong'olelane zwikamu kuti ndizo musisumikilisiwe. Bonani, Nsumikilisi wabe pejo. 10 Zwikamu tolani tjilakidzilo mukudziyila nekube ne moyonlefu kwe balebesambeli bakalebeleka mu zina la She. 11 Toti bakakombolegwa, ngobe bakasimisila. Makahwa ngekwe moyonlefu wa Jobe, ngono makabona kuti bhelelo She wakanthamilani. She una mahwilo zogwadza ne ngoni. 12 Tjikulu ndi etji zwikamu, musitongo tuna ne kudzimu kene ne shango kene neni. Koga “Ee” wenyu ngaabe “Ee” na “Aa” wenyu ngaabe “Aa,” kuti ndizo musiwang'we nlandu.
13 Apa kuna mmwe wenyu unodziyila kene? Ngaatembezele. Apa kuna wakashatha kene? Ngaambe njimbo dzinokudza Ndzimu. 14 Apa kuna mmwe wenyu unogwala kene? Ngaadane bakulu be gubungano bantembezelele babuye banzhodze mafuta nge zina la She. 15 Ntembezelo unotembezegwa nge kugalamoyo unowopodza n'gwele. She unowompa mamuko. Ngono ha ana jinyo She unowonzwiibhatigwa. 16 Ndizo muzwilebe matjinyo enyu mmwe ku mmwe, mutembezelelane kuti mupodziwe. Ntembezelo we nlulwami una masimba kakale unoshinga. 17 Elija wakabe ali nthu unonga iswi. Wakatembezela akalonga meya mu nyama kuti vula isine mu shango, ngono dumbu vula ikasine makole matatu ana gaswa. 18 Kati shule kwa ikoko katembezela kakale kuti vula ine, ngono zhuzhugwi kukazhuka vula ikana shango ikabe ne zwizwalo.
19 Zwikamu zwangu, ha mmwe wenyu angalashikigwa nge malebeswa, ngono mmwe una ngoni kambuzila ku malebeswa, 20 iye wambuza ngaazibe kuti, nthu wadusa ntjinyi mu zila iye isakalulwama, unotjidza meya iye mu lufu. Kakale matjinyo awe wose nge bunji gwawo anowozwiibhatigwa nge Ndzimu.
Warning to the Rich
1 You rich people should cry and weep! Terrible things are going to happen to you. 2 Your treasures have already rotted, and moths have eaten your clothes. 3 Your money has rusted, and the rust will be evidence against you, as it burns your body like fire. Yet you keep on storing up wealth in these last days. 4 You refused to pay the people who worked in your fields, and now their unpaid wages are shouting out against you. The Lord All-Powerful has surely heard the cries of the workers who harvested your crops.
5 While here on earth, you have thought only of filling your own stomachs and having a good time. But now you are like fat cattle on their way to be butchered. 6 You have condemned and murdered innocent people, who couldn't even fight back.
Be Patient and Kind
7 My friends, be patient until the Lord returns. Think of farmers who wait patiently for the autumn and spring rains to make their valuable crops grow. 8 Be patient like those farmers and don't give up. The Lord will soon be here! 9 Don't grumble about each other or you will be judged, and the judge is right outside the door.
10 My friends, follow the example of the prophets who spoke for the Lord. They were patient, even when they had to suffer. 11 In fact, we praise the ones who endured the most. You remember how patient Job was and how the Lord finally helped him. The Lord did this because he is so merciful and kind.
12 My friends, above all else, don't take an oath. You must not swear by heaven or by earth or by anything else. “Yes” or “No” is all you need to say. If you say anything more, you will be condemned.
13 If you are having trouble, you should pray. And if you are feeling good, you should sing praises. 14 If you are sick, ask the church leaders to come and pray for you. Ask them to put olive oil on you in the name of the Lord. 15 If you have faith when you pray for sick people, they will get well. The Lord will heal them, and if they have sinned, he will forgive them.
16 If you have sinned, you should tell each other what you have done. Then you can pray for one another and be healed. The prayer of an innocent person is powerful, and it can help a lot. 17 Elijah was just as human as we are, and for three and a half years his prayers kept the rain from falling. 18 But when he did pray for rain, it fell from the skies and made the crops grow.
19 My friends, if any followers have wandered away from the truth, you should try to lead them back. 20 If you turn sinners from the wrong way, you will save them from death, and many of their sins will be forgiven.