1 Ndimi Jakubo nlanda we Ndzimu ne wa She Jesu Kirisiti. Ku njudzi dzili gumi lina mbili dze Iziraela dzakaandama mu shango, ndodumilisa!
Galamoyo ne butjenjedu
2 Zwikamu zwangu, shathani ha muzwiwana muli mu ndiko dzakasiyana. 3 Ngobe moziba kuti kulikiwa kwe bugalimoyo gwenyu kozhisa kudzikitadza. 4 Muletje kudzikitadza ikoku kuwidze nshingo nge buzhalo. 5 Ha mmwe wenyu eshaka butjenjedu gwe kudzimu, ngaakumbile ku Ndzimu, ngobe unopa mmwe ne mmwe nge sununguko usingakayikanye. 6 Koga ha ekumbila agalebgwe kuti unowopiwa, asidudumwe, ngobe ha edudumwa, unonga duthu le vula ye gungwa linotutudzigwa kumwe ne kumwe nge phepo. 7-8 Nthu wakajalo, una mikumbulo mibili, unoyenda edudumwa mu mishingo iye, asialakane kuti ungaamutjila tjimwe muna She.
Fumwa ne bushayi
9 Ikamu tjisina tjatjo ngatjishathile kuti Ndzimu watjikudza. 10 Ikamu tjakafuma naitjo ngatjisihwe zogwadza ha Ndzimu atjiyisa pasi. Ngoti unoloba se luba le bushwa, 11 ngobe zhuba lobhuda nge kupisa kwalo kukulu, ngono likapisa bushwa, luba likawa, bubuya gwalo gukapela. Butjilo gwe nfumi gowolobabo nge zila yakajalobo, atjakanginikana nge fumwa iye.
Kulikiwa
12 Wakakombolegwa nthu unodzikitadza mu ndiko, nge kuti ha alikiwa kakunda, mbhayilo uwe unowobe butjilo gusingapele, Ndzimu gwawakagadzabgwe banouda. 13 Kushete unoti ha elikwa kati, “Ndolikwa nge Ndzimu.” Ngobe Ndzimu aungalikwe nge bubi naiwo awuna nthu waunolika. 14 Koga nthu mmwe ne mmwe unolikiwa ha eteyiwa kakale ewongiwa nge njemulo dzidze dzakabipa. 15 Njemulo dzoti dzatjiwanda dzikazwala tjibi, tjibi tjoti tjakula tjikazwala lufu.
16 Musitongotjebegwa zwikamu zwangu zwinodika. 17 Tjipo tjimwe ne tjimwe tjibuyanana, tjakanaka, tjodwa pezhugwi, kuna ibo Tate be tjedza tje nyenyedzi ne mwedzi ibo basingashanduke se mitutshi. 18 Nge kuda kwawo wakatibumba nge dama le malebeswa, kuti ndizo tibe iswi mitjelo yekutanga mu zwibumbiwa zwawo zose.
Kuhwa dama ne kulondolodza mishingo
19 Bhatani matama iyawa zwikamu zwinodika. Muzwidiye kuhwilila musingatjimbidzile kulebeleka kene kugwadzamoyo. 20 Ngobe kugwadzamoyo kwe nthu akutoshinga ndulamo ye Ndzimu. 21 Ndizo thubukanani ne shambgwa yose ne bubi gose gunowanda, ngono muzwiyise pasi muamutjile dama linodzwagwa nge Ndzimu, linotubula kumutjidza.
22 Koga shingani tjinolebgwa nge dama, musingazwitjengedze nge kuhwilila koga. 23 Ngobe ha kuna unohwilila dama, koga asingashinge tjalinoleba, unonga nthu unolinga tjiso tjitje mu iponi, 24 nge kuti unozwibona, ngono kayendazwe kati tjinyolotjo kakangang'wa kuti wazwibona akatini. 25 Koga iye una njele nge nlayo iwo wakapelela unosunungula bathu, ngono eutobelela, asinga kangang'we tjaahwa koga etjilondolodza, unowokombolegwa muna tjaanothama.
26 Ha kuna mmwe pakati kwenyu ezwidwa eti nnamati we Ndzimu, ngono eti elebeleka kasishale matama, unozwitjengedza mu moyo, kunamata kukwe akuna nshingo. 27 Kunamata kwakalulwama kusina shambgwa mu mesho e Ndzimu, kakale bali Tate, ndi woku: kubhatsha siyang'wa ne tjilikadzi mu kuhwa zogwadza kwabo nenge kugala kuzhe kwe shambgwa ye shango.
1 From James, a servant of God and of our Lord Jesus Christ.
Greetings to the twelve tribes scattered all over the world.
Faith and Wisdom
2 My friends, be glad, even if you have a lot of trouble. 3 You know you learn to endure by having your faith tested. 4 But you must learn to endure everything, so you will be completely mature and not lacking in anything.
5 If any of you need wisdom, you should ask God, and it will be given to you. God is generous and won't correct you for asking. 6 But when you ask for something, you must have faith and not doubt. Anyone who doubts is like an ocean wave tossed around in a storm. 7-8 If you are that kind of person, you can't make up your mind, and you surely can't be trusted. So don't expect the Lord to give you anything at all.
Poor People and Rich People
9 Any of God's people who are poor should be glad he thinks so highly of them. 10 But any who are rich should be glad when God makes them humble. Rich people will disappear like wild flowers 11 scorched by the burning heat of the sun. The flowers lose their blossoms, and their beauty is destroyed. This is how the rich will disappear, as they go about their business.
Trials and Temptations
12 God will bless you, if you don't give up when your faith is being tested. He will reward you with a glorious life, just as he rewards everyone who loves him.
13 Don't blame God when you are tempted! God cannot be tempted by evil, and he doesn't use evil to tempt others. 14 We are tempted by our own desires that drag us off and trap us. 15 Our desires make us sin, and when sin is finished with us, it leaves us dead.
16 Don't be fooled, my dear friends. 17 Every good and perfect gift comes down from the Father who created all the lights in the heavens. He is always the same and never makes dark shadows by changing. 18 He wanted us to be his own special people, and so he sent the true message to give us new birth.
Hearing and Obeying
19 My dear friends, you should be quick to listen and slow to speak or to get angry. 20 If you are angry, you cannot do any of the good things God wants done. 21 You must stop doing anything immoral or evil. Instead be humble and accept the message planted in you to save you.
22 Obey God's message! Don't fool yourselves by just listening to it. 23 If you hear the message and don't obey it, you are like people who stare at themselves in a mirror 24 and forget what they look like as soon as they leave. 25 But you must never stop looking at the perfect law that sets you free. God will bless you in everything you do, if you listen and obey, and don't just hear and forget.
26 If you think you are being religious, but can't control your tongue, you are fooling yourself, and your religion is useless. 27 Religion that pleases God the Father must be pure and spotless. You must help needy orphans and widows and not let this world make you evil.