Baegipiti banonginilila Juda
(1 Bomambo 14:25-28)1 Kwakati mbuso wa Rehoboamu watjisima, Rehoboamu ne Baiziraela bakabe bakantobela bakafupatila nlayo wa Yahwe. 2 Ngono kukati mu gole le bushanu le mbuso uwe Mambo Rehoboamu ngekwe kusahwa Yahwe kukwe, Shishaki mambo we Egipiti kanginilila Jerusalema 3 nge koloyi dze ngwa dzili tjiwulu tjina mazana ali mabili (1 200) ne batathi be mbizi bali zwiwulu zwili makumi ali tathatu (60 000) ne babhayani basina mbalo baakazha nabo bedwa ku shango ye Libhiya ne Sukimu ne Itopiya. 4 Ngono katapa matizhilo e mizi mikulu ye Juda ngono kaswika ku Jerusalema.
5 Ngono Shemaiya nlebesambeli kayenda kuna Rehoboamu ne batungamili be Juda bakabe bakakubungana mu Jerusalema ngekwa Shishaki. Wakabadwa kati, “Yahwe bakati kumuli, ‘Makandifupatila ngono ndizo ndamulashila mu simba la Shishaki’ ” 6 Batungamili na mambo we Iziraela bakazwiyisa pasi ngono bakabe beti, “Yahwe bakalulwama.”
7 Ngono Yahwe bakati bebona Baiziraela bazwiyisa pasi, bakalebeleka na Shemaiya beti, “Ngoti bazwiyisa pasi, anditjowobakolomodza koga ndowobapa kusununguka ne bushongola gwangu agutjowodelukila Jerusalema nge tjiazha tja Shishaki, 8 koga banowobe balanda babe bakaziba kuthubukana kwe kundishingila ne kushingila bushe gwe shango dzipoga.”
9 Ndizo Shishaki mambo we Egipiti kamukila Jerusalema katola tjimwe ne tjimwe, thundu yose ye Ng'umba ya Yahwe ne thundu yose ye ng'umba ya mambo, katola zwivikisi zwakathamwa nge golide zwakabe zwathamwa ndi Solomoni. 10 Ngono Rehoboamu wakathama zwivikisi zwe phangula kazwilonga mu maboko e balindi bakabe belinda nkoba we ng'umba ya mambo. 11 Kwakabe kuti tjibaka ne tjibaka mambo eyenda ku Ng'umba ya Yahwe balisi be mikoba bakabe besenga zwivikisi ngono kati apedza bakazwigwiliza ku ng'umba ye balisi. 12 Nge kuti wakazwiyisa pasi, bushongola gwa Yahwe aguzonlobesa koga zwithu zwakayenda zubuyanana mu Juda.
Mbuso wa Rehoboamu
13 Rehoboamu wakabusa mu Jerusalema ngono kawatsha masimba awe e bumambo. Rehoboamu wakabe ali makole ali makumi manna ana ling'ompela (41) paakabe mambo ngono kabusa makole ali gumi lina kutendeka (17) mu Jerusalema, nzi nkulu Yahwe wabakashalula mu njudzi dzose dze Iziraela kubiga zina labo muuli. Mme ba Rehoboamu bakabe bali Naama bedwa ku shango ye Amoni. 14 Ngono Rehoboamu wakathama kose kwakabipa ngobe wakabe asakazwimisila kushinga kuda kwa Yahwe.
15 Mishingo ya Rehoboamu kudwa mu kutangisa kunoti ku bupelo aizokwagwa mu Thawu dza Shemaiya Nlebesambeli ne mu Thawu dza Ido we mboni kene? Kwakabe kugala kuna kukwebakwebana kusingapele pakati kwa Rehoboamu na Jeroboamu. 16 Rehoboamu kafa kanobiganyiwa na bobatategulu babe, wakabiganyiwa mu nzi nkulu wa Dafite, nkololo uwe Abija kabe iye mambo.
King Shishak of Egypt Invades Judah
(1 Kings 14.25-28)1 Soon after Rehoboam had control of his kingdom, he and everyone in Judah stopped obeying the Lord. 2 So in the fifth year of Rehoboam's rule, the Lord punished them for their unfaithfulness and allowed King Shishak of Egypt to invade Judah. 3 Shishak attacked with his army of 1,200 chariots and 60,000 cavalry troops, as well as countless Egyptian soldiers from Libya, Sukkoth, and Ethiopia. 4 He captured every one of the fortified cities in Judah and then marched to Jerusalem.
5 Rehoboam and the leaders of Judah had gone to Jerusalem to escape Shishak's invasion. And while they were there, Shemaiah the prophet told them, “The Lord says that because you have disobeyed him, he has now abandoned you. The Lord will not help you against Shishak!”
6 Rehoboam and the leaders were sorry for what they had done and admitted, “The Lord is right. We have deserted him.”
7 When the Lord heard this, he told Shemaiah:
The people of Judah are truly sorry for their sins, and so I won't let Shishak completely destroy them. But because I am still angry, 8 he will conquer and rule them.
Then my people will know what it's like to serve a foreign king instead of serving me.
9 Shishak attacked Jerusalem and took all the valuable things from the temple and from the palace, including Solomon's gold shields.
10 Rehoboam had bronze shields made to replace the gold ones, and he ordered the guards at the city gates to keep them safe. 11 Whenever Rehoboam went to the Lord's temple, the guards carried the shields. But they always took them back to the guardroom as soon as he had finished worshiping.
12 Rehoboam turned back to the Lord, and so the Lord did not let Judah be completely destroyed, and Judah was prosperous again.
Rehoboam's Rule in Judah
(1 Kings 14.211 29-31)13 Rehoboam was 41 years old when he became king, and he ruled 17 years from Jerusalem, the city where the Lord had chosen to be worshiped. His mother Naamah was from Ammon. Rehoboam was a powerful king, 14 but he still did wrong and refused to obey the Lord.
15 Everything else Rehoboam did while he was king, including a history of his family, is written in the records of the two prophets, Shemaiah and Iddo. During Rehoboam's rule, he and King Jeroboam of Israel were constantly at war. 16 When Rehoboam died, he was buried beside his ancestors in Jerusalem, and his son Abijah became king.