Kulaigwa kwa Dafite ndi Nathani
(1 Zwiyitikalo 17:1-15)1 Kwakati mambo batjigala mu ng'umba yabo, Yahwe babanyatutusa mu zwita zwabo zose zwakabapoteleka, 2 bakadwa Nathani nlebesambeli bakati, “Bona ndogala mu ng'umba ye bushe yakabakwa nge mapango e nti we sida, koga Bhokisi le Tjidumano tja Yahwe litji mu nshasha.”
3 Nathani kadabila mambo eti, “Tjawakakumbula mu moyo utjithame, ngobe Yahwe banawe.”
4 Koga mu busiku igogo dama la Yahwe likazha kuna Nathani liti, 5 “Kabudze nlanda wangu Dafite uti, Yahwe bakati ‘Apa ndiwe ungandibakila ng'umba yandingagala kene? 6 Andithu agala mu ng'umba kwetjinga kwandakadusa bathu be Iziraela mu Egipiti kuswikila nasi, ndagala ndiyenda yeno na yeno ndigala mu nshasha. 7 Kumwe ne kumwe kwandakayenda ndina bathu be Iziraela, apa ndina dama landakatongodwa mmwe we batungamili be Iziraela wandakadwa nditi alise bathu bangu Baiziraela nditi, “Ini usakandibakila ng'umba ye misida kene?” ’ ”
8 “Ndizo ngwenu, budza nlanda wangu Dafite kuti etji nditjo tjinolebgwa ndi Yahwe Masimbawose bakati, ‘Ndakakutola ku mafulilo wakasala shule kwe pkhwizi ne mbudzi kuti ube mbusi we bathu bangu Baiziraela. 9 Ndakabe nawe kumwe ne kumwe kwawakabe uyenda, alobesa zwita zose zwizo mbeli kuko, ngwenu ndowothama zina lilo likabe gulu se zina le bakulu be shango. 10 Ndowobigila bathu bangu Baiziraela magalo ndibe ndibadzikila, kuti babe ne nzi wabo, zwita zwabo azwitjowobatshambilidza sekwazwakathama mu kutanga 11 nenge kudwa mu misi yandakabigila bathu bangu Baiziraela basumikilisi. Ngono ndowokunyatutusa mu zwita zwizo. Yahwe banokuzibisa kuti Yahwe ndibo banowokuthamila nsha. 12 Ha mazhuba awo atjilizana ube ufa, ndowomusa mmwe we lutshinga gugo kukugala thaka, unowobhuda mukuli, ngono ndowosimisa mbuso uwe. 13 Unowobakila zina langu ng'umba, ngono ndowobiga tjigalo tje bushe gwe mbuso uwe nge kusingapele. 14 Ndowobe tate babe, iye unowobe nkololo wangu. Ha ethama nlandu, ndowonloba nge shamu, ndakanladza pasi se bana bose. 15 Koga anditowotothodza ludo gwangu gusingazunguzike munli, sekwa ndakatongothama muna Saulo iye wandakadusa mbeli kuko. 16 Ng'umba iyo ne mbuso uwo zowoma nge kusingapele, tjigalo tjitjo tje bushe tjowoma nge kusingapele.’ ” 17 Nathani wakalondela Dafite zose zwaakazumbunuligwa ne Ndzimu.
Ntembezelo wa Dafite we kuboka
(1 Zwiyitikalo 17:16-27)18 Ndizo Mambo Dafite bakangina bakagala mbeli kwa Yahwe, bebe beti, “Imi ndiani She Yahwe, nsha wangu uni, kwamadzina mukandiswikisa ipapa kene? 19 Seungati kwakabe kusakaswika mu mesho enyu She Yahwe, makalebelambeli kakale ngekwe zwinoyitikala mu ng'umba ye nlanda wenyu, Yahwe Ndzimu wangu, apa ndiko sekwa magala mushinga ne bathu kene? 20 Apa Dafite ungalebani kakale kumuli? Ngobe moziba nlanda wenyu imwi She Yahwe bangu. 21 Ngekwe dama lenyu nenge kuda kwe moyo wenyu, makathama zwithu zwikulukulu mukazwizibisa nlanda wenyu. 22 Ngekwako munkulu seni She Yahwe wangu, ngobe akuna mmwe unonga imwi, kakale akuna mmwe Ndzimu kuzhe kwenyu, sekwa takahwa zose nge zebe dzedu. 23 Apa ludzi gupi gunonga gwenyu gwe Iziraela, itjaba tjitjoga mu shango tjakadzutunugwa nge Ndzimu kuti tjibe tjawo, ne kuzwithamila zina, ubathamila zwithu zwikulukulu ne zwinotjenamisa, nge kutata zwitjaba ne midzimu yazo mubumo gwe bathu babo, ibo babakadzutunula ku Egipiti? 24 Makathama Iziraela kube bathu benyu nge kusingapele, ngono imwi Yahwe mukabe Ndzimu wabo.
25 “Ndizo ngwenu, imwi Yahwe Ndzimu, shingikadzani tjatjose dama lenyu lamakaleba ngekwe nlanda wenyu ne ngekwe ng'umba iye, thamani sekwa makagadzabgwe. 26 Kuti ndizo zina lenyu likudziwe nge kusingapele. Bathu banowobe beti, ‘Yahwe Masimbawose Ndzimu we Iziraela.’ Ne ng'umba ye nlanda wenyu Dafite ime mbeli kwenyu. 27 Imwi Yahwe Masimbawose, Ndzimu we Iziraela, makazumbunulila nlanda wenyu muti, ‘Ndowokubakila ng'umba.’ Ndizo nlanda wenyu wabe ne simba le kutembezela ntembezelo iwoyu kumuli.
28 “She Yahwe, mu Ndzimu! Matama enyu anogalikabgwe, kakale makagadzabgwe nlanda wenyu zwithu izwezwi zwakanaka. 29 Ndizo ngwenu, dzene kungamushathisa kukombolela ng'umba ye nlanda wenyu, kuti idwilile ili mbeli kwenyu nge kusingapele, ngobe imwi She Yahwe, makaleba, ngono nge makombolelo enyu, ng'umba ye nlanda wenyu inowokombolegwa nge kusingapele.”
The Lord's Message to David
(1 Chronicles 17.1-15)1 King David moved into his new palace, and the Lord let his kingdom be at peace. 2 Then one day, as David was talking with Nathan the prophet, David said, “Look around! I live in a palace made of cedar, but the sacred chest has to stay in a tent.”
3 Nathan replied, “The Lord is with you, so do what you want!”
4 That night, the Lord told Nathan 5 to go to David and give him this message:
David, you are my servant, so listen to what I say. Why should you build a temple for me? 6 I didn't live in a temple when I brought my people out of Egypt, and I don't live in one now. A tent has always been my home wherever I have gone with them. 7 I chose leaders and told them to be like shepherds for my people Israel. But did I ever say anything to even one of them about building a cedar temple for me?
8 David, this is what I, the Lord All-Powerful, say to you. I brought you in from the fields where you took care of sheep, and I made you the leader of my people. 9 Wherever you went, I helped you and destroyed your enemies right in front of your eyes. I have made you one of the most famous people in the world.
10 I have given my people Israel a land of their own where they can live in peace, and they won't have to tremble with fear any more. Evil nations won't bother them, as they did 11 when I let judges rule my people. And I have kept your enemies from attacking you.
Now I promise that you and your descendants will be kings. 12 I'll choose one of your sons to be king when you reach the end of your life and are buried in the tomb of your ancestors. I'll make him a strong ruler, 13 and no one will be able to take his kingdom away from him. He will be the one to build a temple for me. 14 I will be his father, and he will be my son.
When he does wrong, I'll see that he is corrected, just as children are corrected by their parents. 15 But I will never put an end to my agreement with him, as I put an end to my agreement with Saul, who was king before you. 16 I will make sure that one of your descendants will always be king.
17 Nathan told David exactly what he had heard in the vision.
David Gives Thanks to the Lord
(1 Chronicles 17.16-27)18 David went into the tent he had set up for the sacred chest. Then he sat there and prayed:
Lord All-Powerful, my family and I don't deserve what you have already done for us, 19 and yet you have promised to do even more. Is this the way you usually treat people? 20 I am your servant, and you know my thoughts, so there is nothing more that I need to say. 21 You have done this wonderful thing, and you have let me know about it, because you wanted to keep your promise.
22 Lord All-Powerful, you are greater than all others. No one is like you, and you alone are God. Everything we have heard about you is true. 23 And there is no other nation on earth like Israel, the nation you rescued from slavery in Egypt to be your own. You became famous by using great and wonderful miracles to force other nations and their gods out of your land, so your people could live here. 24 You have chosen Israel to be your people forever, and you have become their God.
25 And now, Lord God, please do what you have promised me and my descendants. 26 Then you will be famous forever, and everyone will say, “The Lord God All-Powerful rules Israel, and David's descendants are his chosen kings.” 27 After all, you really are Israel's God, the Lord All-Powerful. You've told me that you will let my descendants be kings. That's why I have the courage to pray to you like this, even though I am only your servant.
28 Lord All-Powerful, you are God. You have promised me some very good things, and you can be trusted to do what you promise. 29 Please bless my descendants and let them always be your chosen kings. You have already promised, and I'm sure that you will bless my family forever.