Batumwa be kudzimu bakabhata shamu dze bupelo
1 Shule abona tjilakidzilo tjimwe kudzimu, tjikulu tjinotjenamisa, batumwa be kudzimu bali kutendeka bana shamu dzili kutendeka dze bupelo, ngobe bushongola gwe Ndzimu gopeleledziwa ndidzo.
2 Ngono ndakabona tjimwe tjakabe tjilingika tjinga gungwa gwe halasi lakashanganyiwa ne moto. Ibabo bakunda ngwa ye tjibandana ne tjifano tjatjo ne mbalo ye zina latjo, bali mile pa hwunde ne gungwa gwe halasi bakabhata zwitinkani zwe Ndzimu 3 Bakamba lumbo gwa Mushe nlanda we Ndzimu ne lumbo gwe Pkhwizana, beti,
“She, Ndzimu Masimbawose!
Mikulu kakale inotjenamisa seni mishingo yenyu.
Mambo we misi!
Zila dzenyu dzakalulwama kakale dzi malebeswa.
4 She, ndiani usingawotja ngono kakudza zina lenyu?
Kana imwi moga ndimwi makayengemala?
Zwitjaba zose zowozha zwikawomunamata,
ngobe mishingo yenyu yakalulwama yakazumbunugwa.”
5 Shule kwa ikoku ndakalinga abona ng'umba ye nshasha we butendeki kudzimu yakabe yakazhugwa. 6 Batumwa be kudzimu bali kutendeka bakabe bakabhata shamu dzili kutendeka, bakabhuda mu ng'umba bakaambala zwiambalo zwibuyanana zwe jila lakanaka linopenya, ngono zwifuba zwabo zwakasungwa nge mimwandabula ye golide. 7 Ngono kukati mmwe we zwibumbiwa zwinna zwinotjila, kapa batumwa bali kutendeka ndilo dzili kutendeka dzakathamwa nge golide dzili zhele bushongola gwe Ndzimu unotjila nge kusingapele kose. 8 Ngono ng'umba ye Ndzimu ikazhala busi gwe gudzo ne gwe simba le Ndzimu, ngono kwakabe kusina ungangina mu ng'umba ye Ndzimu kudzina shamu dzili kutendeka dze batumwa be kudzimu bali kutendeka dzapelela.
The Last of the Terrible Troubles
1 After this, I looked at the sky and saw something else that was strange and important. Seven angels were bringing the seven last terrible troubles. When these are ended, God will no longer be angry.
2 Then I saw something that looked like a glass sea mixed with fire, and people were standing on it. They were the ones who had defeated the beast and the idol and the number that tells the name of the beast. God had given them harps, 3 and they were singing the song his servant Moses and the Lamb had sung. They were singing,
“Lord God All-Powerful,
you have done great
and marvelous things.
You are the ruler
of all nations,
and you do what is
right and fair.
4 Lord, who doesn't honor
and praise your name?
You alone are holy,
and all nations will come
and worship you,
because you have shown
that you judge
with fairness.”
5 After this, I noticed something else in heaven. The sacred tent used for a temple was open. 6 And the seven angels who were bringing the terrible troubles were coming out of it. They were dressed in robes of pure white linen and wore belts made of pure gold. 7 One of the four living creatures gave each of the seven angels a bowl made of gold. These bowls were filled with the anger of God who lives forever and ever. 8 The temple quickly filled with smoke from the glory and power of God. No one could enter it until the seven angels had finished pouring out the seven last troubles.