Bulebesambeli gwa Shemaiya
(1 Bomambo 12:21-24)1 Kukati Rehoboamu eswika ku Jerusalema, kakubunganya babhayani bali zwiwulu zwili zana lina makumi ali zhanakadzi (180 000), kudwa mu nsha wose wa Juda ne ludzi gose gwa Bhenjamini. Akazwimisila kunogwa ne Iziraela kubgwilizila mbuso kuna Rehobhoamu. 2 Koga dama le Ndzimu likazha kuna Shemaya we nlebesambeli, likandwa likati, 3 “Lebeleka na Rehoboamu nkololo wa Solomoni mambo we Juda ne bathu bose ne ng'umba yose ya Juda neya Bhenjamini, ubadwe uti, 4 ‘Yahwe bakati musiyende kunogwa ne bakanyi kwenyu Baiziraela. Mmwe ne mmwe ngaabgwilile ku nzi uwe, ngobe tjashingikala tjodwa kundili.’ ” Ndizo bose bakahwa matama a Yahwe, bakashandukila ku nzi, sekwaleba Yahwe.
Rehoboamu unobaka matizhilo
5 Rehoboamu kagala mu Jerusalema ngono kabaka mizi mikulu ye matizhilo mu Juda. 6 Wakabaka Bhetelehema ne Etamu ne Tekowa ne 7 Bhetizuri ne Soko ne Adulamu ne 8 Gati ne Mareshahi ne Zifi ne 9 Adoraimu ne Lakhishi ne Azekahi ne 10 Zora ne Aijaloni ne Heburoni, iyeyi ndiyo mizi mikulu ye Juda ne Bhenjamini. 11 Wakabaka matizhilo iyawa akasima ngono kabiga batungamili mu ali kabiga ne matula e zojiwa ne mafuta ne nkumbi we zhambi. 12 Wakabiga zwivikisi ne mathumo mu mizi mikulu yose, eisimisa. Ndizo Juda ne Bhenjamini dzakabe dzili dzidze.
13 Ngono bapirisiti ne Balevi bakabe bali mu Iziraela bakazha kunli bedwa mu magalo akathubukana abakabe begala. 14 Balevi bakasiya shango yabo ye mafulilo ne thundu ngono bakazha ku Juda ne Jerusalema ngoti Jeroboamu ne bakololo babe bakabe babathubula mukushingila Yahwe, 15 ngono kabiga bapirisiti babe kuti bashinge mu magalo pezhugwi ekunamata ne kutungamila mu kunamata midzimu ye zwifano zwe mbudzi ne phulu yaakabe athama. 16 Ngono ibabo bakabe bakazwipa kutobela Yahwe Ndzimu we Iziraela bakabatobela kudwa mu njudzi dzose dze Iziraela bezha ku Jerusalema bewodusila Yahwe zwibhayilo Ndzimu wa botate babo. 17 Bakasimisa bushe gwe Juda, kwe makole matatu bakathama kuti Rehoboamu nkololo wa Solomoni adzikame mu bumambo, ngoti bakatobela zila dza Dafite na Solomoni kwe makole matatu.
Nsha wa Rehoboamu
18 Rehoboamu kalobola Mahalati, Mahalati ali nkololokadzi wa Jerimoti, Jerimoti ali nkololo wa Dafite, mme ba Mahalati bali Abihaile, Abihaile ali nkololokadzi wa Eliyabu mwana we mwana wa Jesi. 19 Kanzwalila bakololo bali batatu ibo bakabe bali bo Jeushi na Shemariya na Zahamu. 20 Kwakati shule katola Maaka nkololokadzi wa Abusalomu ngono iye kazwala Abija na Atai na Ziza na Shelomiti. 21 Rehoboamu wakabe eda Maaka nkololokadzi wa Abusalomu kupinda bakadzi babe bose ne kupinda bakadzi batukunu bose. Rehoboamu wakabe ana bakadzi bali gumi lina bali zhanakadzi (18) ne balongwana babo bose bali makumi ali tathatu (60) ne bakololo bali makumi mabili ana bali zhanakadzi (28) ne bakololokadzi bali makumi ali tathatu (60), 22 ngono Rehoboamu kabiga Abija nkololo wa Maaka kuti abe iye ntungamili mu banunguna babe ngoti wakabe eshaka kuti azhe ambige mambo. 23 Rehoboamu kakobela bakololo babe mishingo nge butjenjedu ngono kababiga batungamili mu mituthu yose ye matizhilo ye Juda ne Bhenjamini. Ngono wakabatjengeta kwazo kakale kabashakila bakadzi banjinji.
1 And when Rehoboam was come to Jerusalem, he gathered of the house of Judah and Benjamin an hundred and fourscore thousand chosen men , which were warriors, to fight against Israel, that he might bring the kingdom again to Rehoboam. 2 But the word of the LORD came to Shemaiah the man of God, saying, 3 Speak unto Rehoboam the son of Solomon, king of Judah, and to all Israel in Judah and Benjamin, saying, 4 Thus saith the LORD, Ye shall not go up, nor fight against your brethren: return every man to his house: for this thing is done of me. And they obeyed the words of the LORD, and returned from going against Jeroboam.
5 ¶ And Rehoboam dwelt in Jerusalem, and built cities for defence in Judah. 6 He built even Beth-lehem, and Etam, and Tekoa, 7 And Beth-zur, and Shoco, and Adullam, 8 And Gath, and Mareshah, and Ziph, 9 And Adoraim, and Lachish, and Azekah, 10 And Zorah, and Aijalon, and Hebron, which are in Judah and in Benjamin fenced cities. 11 And he fortified the strong holds, and put captains in them, and store of victual, and of oil and wine. 12 And in every several city he put shields and spears, and made them exceeding strong, having Judah and Benjamin on his side.
13 ¶ And the priests and the Levites that were in all Israel resorted to him out of all their coasts. 14 For the Levites left their suburbs and their possession, and came to Judah and Jerusalem: for Jeroboam and his sons had cast them off from executing the priest’s office unto the LORD: 15 And he ordained him priests for the high places, and for the devils, and for the calves which he had made. 16 And after them out of all the tribes of Israel such as set their hearts to seek the LORD God of Israel came to Jerusalem, to sacrifice unto the LORD God of their fathers. 17 So they strengthened the kingdom of Judah, and made Rehoboam the son of Solomon strong, three years: for three years they walked in the way of David and Solomon.
18 ¶ And Rehoboam took him Mahalath the daughter of Jerimoth the son of David to wife, and Abihail the daughter of Eliab the son of Jesse; 19 Which bare him children; Jeush, and Shamariah, and Zaham. 20 And after her he took Maachah the daughter of Absalom; which bare him Abijah, and Attai, and Ziza, and Shelomith. 21 And Rehoboam loved Maachah the daughter of Absalom above all his wives and his concubines: (for he took eighteen wives, and threescore concubines; and begat twenty and eight sons, and threescore daughters.) 22 And Rehoboam made Abijah the son of Maachah the chief, to be ruler among his brethren: for he thought to make him king. 23 And he dealt wisely, and dispersed of all his children throughout all the countries of Judah and Benjamin, unto every fenced city: and he gave them victual in abundance. And he desired many wives.