Ntembezelo we dendo
1 Ndomutenda, imwi Yahwe,
nge moyo wangu wose,
ndomba njimbo dzino mukudza
mbeli kwe badzimu.
2 Ndokotamisa nsholo ndakalingisana
ne ng'umba yenyu yakayengemala,
ndiboka zina lenyu ngekwe ludo
gwenyu gusingazunguzike
ne galikabgwe kwenyu,
ngobe makamilidza zina lenyu ne dama lenyu
kupinda tjimwe ne tjimwe.
3 Mu zhuba landakadana, makandidabila,
makandipaphidzila simba le meya.
4 Boshe bakulu bose be shango
banowomukudza, imwi Yahwe,
ngobe bakahwa matama e nlomo wenyu.
5 Banowomba ngekwe zila dza Yahwe,
ngobe gudzo la Yahwe ligulu.
6 Nenguba Yahwe balipezhugwi,
bana hanya ne bapasi
koga banozwikudza,
banobalingila kulekule.
7 Nenguba ndiyenda pakati kwe manikano,
monditjidza mu bushongola gwe zwita zwangu,
motambunudza luboko gwenyu,
kakale luboko gwenyu gwe luji gonditjidza.
8 She banowoshingikadza
mazwimisilo abo nge kwangu,
ludo gwenyu gusingazunguzike
imwi Yahwe, gumile nge kusingapele.
Musitongolasha nshingo we maboko enyu.
A Psalm of David.
1 I will praise thee with my whole heart: before the gods will I sing praise unto thee.
2 I will worship toward thy holy temple, and praise thy name for thy lovingkindness and for thy truth: for thou hast magnified thy word above all thy name.
3 In the day when I cried thou answeredst me, and strengthenedst me with strength in my soul.
4 All the kings of the earth shall praise thee, O LORD, when they hear the words of thy mouth.
5 Yea, they shall sing in the ways of the LORD: for great is the glory of the LORD.
6 Though the LORD be high, yet hath he respect unto the lowly: but the proud he knoweth afar off.
7 Though I walk in the midst of trouble, thou wilt revive me: thou shalt stretch forth thine hand against the wrath of mine enemies, and thy right hand shall save me.
8 The LORD will perfect that which concerneth me: thy mercy, O LORD, endureth for ever: forsake not the works of thine own hands.