Lumbo gunokudza Ndzimu
1 Shathani muna Yahwe imwi balulwami,
gudzo lofanila bakatambunuka.
2 Kudzani Yahwe nge dende, mubathamile
nlidzo nge tjilidzo tjina misungo ili gumi.
3 Mubambile lumbo butshwa, lidzani misungo
iyeyo nge bunyambi umbila pezhugwi.
4 Ngoti dama la Yahwe lakatambunuka,
ne nshingo wabo wose unothamiwa nge kugalikabgwe.
5 Yahwe banoda ndulamo ne ndulamiso,
shango izhele ludo gwabo gusingazunguzike.
6 Kudzimu kwakathamiwa nge dama la Yahwe,
ne zwinjinji zwinowang'wako
zwakathamiwa nge mafemo e nlomo wabo.
7 Bakakubunganya vula dze gungwa se dzimu butili,
Bakabiganya vula mu ng'umba dze mbiganyilo.
8 Shango yose ngayitje Yahwe,
Bagali bose be shango ngababalumbidze!
9 Ngoti bakalebeleka, ngono ikabeyapo,
bakalaula kukashingikala.
10 Yahwe banothama ndangano dze tjaba
dzikasibe tjimwe, banopaladza ndongoloso dze bathu.
11 Ndongoloso ya Yahwe imili nge kusingapele,
mazwimisilo abo anoyenda nge zwizekugwana zose.
12 Kwakakombolegwa itjaba tjina Yahwe bali Ndzimu watjo,
bali bathu babashalula kube thaka yabo!
13 Yahwe banolinga pasi bali kudzimu,
banobona bathu bose.
14 Kudwa kwabagele mu tjigalo tje bushe
banolinga bagali be shango bose.
15 Ndibo banobumba mimoyo yabo bose,
banoziba mishingo yabo yose.
16 Mambo aatotjidziwa nge babhayani babe banjinji,
mbhayani aatotjidziwa nge masimba awe makulu.
17 Mbizi ye ngwa ate tjimwe tjinga gagwabgwe kukunda,
nge masimba ayo makulu ayingatjidze.
18 Bonani, Yahwe banotjengeta ibabo banobatja,
ibabo banogalabgwe mu ludo gwabo gusingazunguzike,
19 kuti basunungule meya yabo mu lufu,
ne kubatjidza mu bhamba.
20 Meya yedu yakalingilila kuna Yahwe,
ndibo bhatsho yedu ne tjivikili tjedu.
21 Ee, mimoyo yedu inoshathisiwa ndibo,
ngoti togalabgwe mu zina labo lakayengemala.
22 Ludo gwenyu gusingazunguzike, Yahwe,
ngagube naswi, koga sekwatinogalabgwe mu muli.
1 Rejoice in the LORD, O ye righteous: for praise is comely for the upright.
2 Praise the LORD with harp: sing unto him with the psaltery and an instrument of ten strings.
3 Sing unto him a new song; play skilfully with a loud noise.
4 For the word of the LORD is right; and all his works are done in truth.
5 He loveth righteousness and judgment: the earth is full of the goodness of the LORD.
6 By the word of the LORD were the heavens made; and all the host of them by the breath of his mouth.
7 He gathereth the waters of the sea together as an heap: he layeth up the depth in storehouses.
8 Let all the earth fear the LORD: let all the inhabitants of the world stand in awe of him.
9 For he spake, and it was done; he commanded, and it stood fast.
10 The LORD bringeth the counsel of the heathen to nought: he maketh the devices of the people of none effect.
11 The counsel of the LORD standeth for ever, the thoughts of his heart to all generations.
12 Blessed is the nation whose God is the LORD; and the people whom he hath chosen for his own inheritance.
13 The LORD looketh from heaven; he beholdeth all the sons of men.
14 From the place of his habitation he looketh upon all the inhabitants of the earth.
15 He fashioneth their hearts alike; he considereth all their works.
16 There is no king saved by the multitude of an host: a mighty man is not delivered by much strength.
17 An horse is a vain thing for safety: neither shall he deliver any by his great strength.
18 Behold, the eye of the LORD is upon them that fear him, upon them that hope in his mercy;
19 To deliver their soul from death, and to keep them alive in famine.
20 Our soul waiteth for the LORD: he is our help and our shield.
21 For our heart shall rejoice in him, because we have trusted in his holy name.
22 Let thy mercy, O LORD, be upon us, according as we hope in thee.